16 جاستاعى قازاقستاندىق ورىنداۋشى ادەلينا مۇحامەتجانوۆا لاتيف ءحاميديدىڭ "بۇلبۇل" كومپوزيتسياسىمەن اقش-تاعى حالىقارالىق ۆوكال بايقاۋىندا جەڭىسكە جەتتى، دەپ حابارلايدى “ادىرنا” ۇلتتىق پورتالى.
Radda Rise International Piano and Vocal Competition حالىقارالىق بايقاۋىندا ادەلينا قازىلار القاسىنىڭ ءبىراۋىزدان شەشىمىمەن لاتيف ءحاميديدىڭ "بۇلبۇل" كومپوزيتسياسىمەن ءبىرىنشى ورىندى يەلەندى.
“ادەلينا – شەبەر ورىنداۋشى جانە ونىڭ ارقايسىمىزعا وشپەس ءىز قالدىرعان وتە كۇردەلى تەحنيكالىق كومپوزيتسيانى تاڭداعانىنا ءبارى كەلىسەتىنىنە سەنىمدىمىن. مەن بۇل ءاننىڭ نە تۋرالى ەكەندىگى تۋرالى تۇسىنىك جوق، بىراق ول مەنى ءار نوتانى سەزىنۋگە ءماجبۇر ەتتى. "بۇلبۇل" قايتا-قايتا ورىندالۋى كەرەك! ",- دەدى قازىلار القاسىنىڭ مۇشەسى، بەدەلدى Saint Thomas Choir School ۆوكالدىق وقىتۋشىسى، Manhattan School of Music Precollege ۆوكال فاكۋلتەتىنىڭ مۇشەسى دجۋزەپپە سپولەتيني.
ال ادەلينانىڭ ءوزى قازاق ءانىنىڭ وسىنداي قوشەمەتكە بولەنگەنىنە قۋانىشتى ەكەنىن جەتكىزىپ، ءوز اسەرىمەن ءبولىستى.
“بايقاۋعا مەن ءۇش كومپوزيتسيا بەردىم، قازاق اكادەميالىق كلاسسيكاسىنىڭ وسىنداي كوڭىل بولگەنى جانە وسىنداي جىلى پىكىرلەرگە يە بولعانى وتە قۋانىشتى. سونىمەن قاتار، مەنىڭ قارسىلاستارىم وتە كۇشتى بولدى: مەن The Julliard School ونەر جانە مۋزىكا سالاسىنداعى ەڭ ءىرى امەريكاندىق جوعارى وقۋ ورىندارىنىڭ ءبىرىنىڭ ستۋدەنتىنە ءۇشىنشى ورىن بەرىلگەنىن بىلەمىن. ارينە، وسىنداي جەڭىس بۇدان دا كوپ ەڭبەكتەنۋگە قۇلشىندىرادى، - دەدى ول.
ايتا كەتەيىك، 2022 جىلدان بەرى ادەلينا مۇحامەتجانوۆا بۇكىل امەريكا بويىنشا 9 ۆوكالدىق بايقاۋعا قاتىسىپ، ولاردىڭ كوپشىلىگىندە جۇلدەلى ورىندارعا يە بولعان.
“ادىرنا” ۇلتتىق پورتالى
