نۇرلان ءابدىروۆتىڭ توراعالىعىمەن ورتالىق سايلاۋ كوميسسياسىنىڭ وتىرىسى ءوتىپ، ايتۋار اسقارۇلى قوشمامبەتوۆتى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولىپ تىركەۋ تۋرالى قاۋلى قابىلداندى، دەپ حابارلايدى “ادىرنا” ۇلتتىق پوراتالى.
«قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسى كونستيتۋتسيالىق زاڭىنىڭ 12, 45, 46-باپتارىنا، 97-1-بابىنىڭ 6-تارماعىنا، 98-بابىنا سايكەس جانە «Respublica» پارتياسى» قوعامدىق بىرلەستىگىنىڭ ورتالىق كەڭەسىنىڭ 2024 جىلعى 7 اقپانداعى № 5 حاتتامادان ءۇزىندى كوشىرمەگە سايكەس قازاقستان رەسپۋبليكاسىنىڭ ورتالىق سايلاۋ كوميسسياسى قاۋلى ەتتى:
1. قازاقستان رەسپۋبليكاسى پارلامەنتى ءماجىلىسى دەپۋتاتىنىڭ بوس مانداتى «Respublica» پارتياسى» قوعامدىق بىرلەستىگىنىڭ مۇشەسى ايتۋار اسقارۇلى قوشمامبەتوۆكە بەرىلسىن.
2. ايتۋار اسقارۇلى قوشمامبەتوۆ قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولىپ تىركەلسىن.
3. ايتۋار اسقارۇلى قوشمامبەتوۆكە بەلگىلەنگەن ۇلگىدەگى ءتيىستى كۋالىك پەن ومىراۋعا تاعاتىن بەلگى تاپسىرىلسىن»، - دەلىنگەن قۇجاتتا.
وتىرىس بارىسىندا وسك توراعاسى نۇرلان ءابدىروۆ «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ 24-بابىنا سايكەس دەپۋتاتتىڭ وكىلەتتىگى ونى ورتالىق سايلاۋ كوميسسياسى تىركەگەن كەزدەن باستالاتىنىن حابارلادى.
نۇرلان ءابدىروۆ ايتۋار اسقارۇلىنا بەلگىلەنگەن ۇلگىدەگى كۋالىك پەن ومىراۋعا تاعاتىن بەلگىنى تابىستاپ، وعان دەپۋتاتتىق كورپۋستاعى جۇمىسىنا ساتتىلىك تىلەدى.
