Nurlan Ábdirovtiń tóraǵalyǵymen Ortalyq saılaý komıssııasynyń otyrysy ótip, Aıtýar Asqaruly Qoshmambetovty Qazaqstan Respýblıkasy Parlamenti Májilisiniń depýtaty bolyp tirkeý týraly qaýly qabyldandy, dep habarlaıdy “Adyrna” ulttyq porataly.
«Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýııalyq zańynyń 12, 45, 46-baptaryna, 97-1-babynyń 6-tarmaǵyna, 98-babyna sáıkes jáne «Respublica» partııasy» qoǵamdyq birlestiginiń Ortalyq keńesiniń 2024 jylǵy 7 aqpandaǵy № 5 hattamadan úzindi kóshirmege sáıkes Qazaqstan Respýblıkasynyń Ortalyq saılaý komıssııasy qaýly etti:
1. Qazaqstan Respýblıkasy Parlamenti Májilisi depýtatynyń bos mandaty «Respublica» partııasy» qoǵamdyq birlestiginiń múshesi Aıtýar Asqaruly Qoshmambetovke berilsin.
2. Aıtýar Asqaruly Qoshmambetov Qazaqstan Respýblıkasy Parlamenti Májilisiniń depýtaty bolyp tirkelsin.
3. Aıtýar Asqaruly Qoshmambetovke belgilengen úlgidegi tıisti kýálik pen omyraýǵa taǵatyn belgi tapsyrylsyn», - delingen qujatta.
Otyrys barysynda OSK Tóraǵasy Nurlan Ábdirov «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýııalyq Zańnyń 24-babyna sáıkes depýtattyń ókilettigi ony Ortalyq saılaý komıssııasy tirkegen kezden bastalatynyn habarlady.
Nurlan Ábdirov Aıtýar Asqarulyna belgilengen úlgidegi kýálik pen omyraýǵa taǵatyn belgini tabystap, oǵan depýtattyq korpýstaǵy jumysyna sáttilik tiledi.
