قازاقستاننىڭ بۇرىنعى سىرتقى ىستەر ۆيتسە-ءمينيسترى اسقار مۋسينوۆ قايتىس بولدى، دەپ حابارلايدى سىرتقى ساياسات ۆەدومستۆوسىنىڭ ءباسپاسوز قىزمەتى.
"63 جاسىندا مەملەكەت قايراتكەرى، كورنەكتى قازاقستاندىق ديپلومات، توتەنشە جانە وكىلەتتى ەلشى اسقار احمەتۇلى مۋسينوۆ كەنەتتەن قايتىس بولدى. كوپجىلدىق ديپلوماتيالىق مانساپ بارىسىندا ول قر شەت ەلدەردەگى مەكەمەلەرىنىڭ ءسىم ورتالىق اپپاراتىنداعى بارلىق جەتەكشىلىك ەتەتىن جۇمىس ۋچاسكەلەرىندە قازاقستاننىڭ مۇددەسىن تاماشا قورعاپ، العا قويىلعان مىندەتتەردى كاسىبي تۇردە شەشۋ قابىلەتى مەن تەرەڭ ءبىلىمىن كورسەتتى. ءسىم-ءنىڭ جاۋاپتى حاتشىسى جانە سىرتقى ىستەر ءمينيسترىنىڭ ورىنباسارى لاۋازىمىندا تاياۋ شىعىس جانە افريكا كونتينەنتى ەلدەرىمەن ەكىجاقتى قاتىناستاردى نىعايتۋعا، كونسۋلدىق قىزمەت پەن مەملەكەتتىك حاتتامانى دامىتۋعا ەلەۋلى ۇلەس قوستى", - دەلىنگەن سەنبى كۇنگى حابارلامادا.
ءسىم-دە ناقتىلانعانداي، اسقار مۋسين ەگيپەتتەگى، ساۋد ارابياسىنداعى، بىرىككەن اراب امىرلىكتەرىندەگى جانە وڭتۇستىك افريكا رەسپۋبليكاسىنداعى توتەنشە جانە وكىلەتتى ەلشى رەتىندە قازاقستان رەسپۋبليكاسىنىڭ مۇددەلەرىن كاسىبي تۇردە ناسيحاتتاپ، قورعادى. يسلام ىنتىماقتاستىعى ۇيىمى باس حاتشىسىنىڭ عىلىم جانە تەحنيكا جونىندەگى ورىنباسارى جانە ازىق-تۇلىك قاۋىپسىزدىگى جونىندەگى يسلام ۇيىمىنىڭ باس ديرەكتورى رەتىندە حالىقارالىق بەيبىتشىلىك پەن تۇراقتىلىق ىسىنە ادال قىزمەت ەتتى.
"ديپلوماتيالىق قوعامداستىقتا ول ءوز وتانىنىڭ ناعىز پاتريوتى، جوعارى دەڭگەيدەگى ديپلومات جانە اراب باعىتىنداعى قازاق ديپلوماتيا مەكتەبىنىڭ نەگىزىن قالاۋشىلاردىڭ ءبىرى رەتىندە تانىمال بولدى. قازاقستان رەسپۋبليكاسى سىرتقى ىستەر مينيسترلىگىنىڭ باسشىلىعى مەن ۇجىمى اسقار احمەتۇلىنىڭ تۋىستارى مەن جاقىندارىنا كوڭىل ايتادى. ۇلكەن كاسىپقويدىڭ، مەيىرىمدى جانە جاناشىر دوسىنىڭ، تالىمگەردىڭ، ۇلگىلى وتباسىنىڭ، تەرەڭ لايىقتى ادامنىڭ جارقىن بەينەسى ءبىزدىڭ جادىمىزدا ماڭگى قالادى", - دەپ تولىقتىردى ءسىم.
“ادىرنا” ۇلتتىق پورتالى
