بۇگىن – ورتالىق قازاقستانداعى كورنەكتى قالا قاراعاندىنىڭ 90 جىلدىعى، دەپ حابارلايدى “ادىرنا” ۇلتتىق پورتالى.
«10 اقپاندا قاراعاندى وبلىسىنىڭ وبلىس ورتالىق رەتىندە قۇرىلعانىنا 90 جىل تولادى. بۇل كۇنى قاراعاندىلىقتار مەن قالا قوناقتارى ءۇشىن مەرەكەلىك شارالار ازىرلەندى»، - دەدى وبلىس اكىمىنىڭ ءباسپاسوز قىزمەتى.
قالادا سەنبى كۇنى قاراعاندى وبلىستىق تاريحي-ولكەتانۋ مۋزەيىندە، قاراعاندى وبلىستىق بەينەلەۋ ونەرى مۇراجايىندا، «التىن عاسىر» گالەرەياسىندا ءتۇرلى كورمەلەر ءوتتى.
سونىمەن قاتار، «Terricon Valley» IT حابى ۋربانيزم ورتالىعىنان مەرەكەلىك باعدارلاما ۇيىمداستىردى.
كەشكى ساعات 17.00-دە «شالقىما» كونتسەرت زالىندا ەركەعالي راحماديەۆ اتىنداعى قاراعاندى سيمفونيالىق وركەسترىنىڭ قاتىسۋىمەن قازاقستاننىڭ ەڭبەك سىڭىرگەن قايراتكەرى، ديريجەر ءارى سازگەر ءالي الپىسباەۆتىڭ «قازاق ەلى» اتتى شىعارماشىلىق كەشى وتەدى.
بۇل رەتتە، ساعات 17.00-دە كەنشىلەر مادەنيەت سارايىندا «قازىنالى ولكە – قاراعاندىم» گالا-كونتسەرتى (كىرۋ تەگىن) باستالىپ، ودان كەيىن ساراي الدىنداعى الاڭدا لازەرلىك شوۋ كورسەتىلەدى.
1934 جىلى 10 اقپاندا ەلدى مەكەن “قالا” مارتەبەسىن الدى. قازىرگى قاراعاندى قازاقستاننىڭ تاۋ-كەن استاناسىنىڭ بەيرەسمي مارتەبەسىنە يە ءىرى ونەركاسىپتىك قالا عانا ەمەس، قاراعاندى دا بۇگىندە ەلىمىزدىڭ مادەني جانە عىلىمي ورتالىقتارىنىڭ ءبىرى. قازىر قاراعاندىدا جارتى ميلليوننان استام ادام تۇرادى.
“ادىرنا” ۇلتتىق پورتالى
