21 ماۋسىم كۇنى ساعات 11.00-دە د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە اۋقىمدى بوس ورىندار جارمەڭكەسى وتەدى. شارا بارىسىندا نيەت بىلدىرۋشىلەرگە وڭىرىمىزدەگى سۇرانىسقا يە 1000-نان استام جۇمىس ورنى ۇسىنىلماق. جارمەڭكەگە وبلىستىڭ تۇكپىر-تۇكپىرىندەگى 70-تەن استام ءىرى كاسىپورىندار مەن مەكەمەلەردىڭ ماماندارى كەلەدى. ولاردىڭ قاتارىندا «وسكەمەن مەتاللۋرگيالىق زاۋىتى»، «ەميل»، «وسكەمەن ۇن تارتۋ كومبيناتى»، «گەليوس»، «تەحبىتسەرۆيس»، «№2 قالالىق اۋرۋحانا» جانە «وسكەمەن قالاسىنىڭ ارنايى الەۋمەتتىك قىزمەتتەردى كورسەتۋ جونىندەگى بالالار ورتالىعى» مەملەكەتتىك مەكەمەلەرى جانە ت.ب. بار. قازىرگى ۋاقىتتا وبلىس ورتالىعىنا ساتۋشىلار، نۇسقاۋشىلار، ەنەرگەتيكتەر، زاڭگەرلەر، ينجەنەر-باعدارلاماشىلار قاجەت. سونداي-اق مەنەدجەرلەر، سۋپەرۆايزەرلەر، ساۋدا وكىلدەرى، وپەراتورلار، كاسسيرلەر، ەكسپەديتورلار، تەحنولوگتار، ەلەكتر جابدىقتارىنىڭ ماماندارى، سلەسارلەر، جۇرگىزۋشىلەر، كوگالداندىرۋشىلار جانە باسقا دا ماماندىق يەلەرىنە سۇرانىس ۇلكەن. جالپى، وسكەمەندەگى جۇمىس بەرۋشىلەر بارلىعى 120-دان استام بوس جۇمىس ورنىن ۇسىناتىن بولادى. ال سەمەي قالاسىنان 14 كاسىپورىن قاتىسپاق. ريددەردەن كەلگەن جۇمىس بەرۋشىلەر وزدەرىنە 20-دان استام جۇمىسشى ىزدەيدى. ولارعا اسىرەسە مەديتسينا قىزمەتكەرلەرى كەرەك ەكەن. بورودۋليحا اۋدانىندا ءتۇرلى ساناتتاعى مۇعالىمدەر قاجەت. بوس جۇمىس ورىندارىنىڭ جالپى سانى – 112. گلۋبوكوە اۋدانىندا 67 بوس جۇمىس ورنى، شەمونايحادا – 50, زايساندا – 27, كاتونقاراعاي اۋدانىندا – 10. بارلىقتارىڭىزدى كۇتەمىز!
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз