21 maýsym kúni saǵat 11.00-de D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde aýqymdy bos oryndar jármeńkesi ótedi. Shara barysynda nıet bildirýshilerge óńirimizdegi suranysqa ıe 1000-nan astam jumys orny usynylmaq. Jármeńkege oblystyń túkpir-túkpirindegi 70-ten astam iri kásiporyndar men mekemelerdiń mamandary keledi. Olardyń qatarynda «Óskemen metallýrgııalyq zaýyty», «Emıl», «Óskemen un tartý kombınaty», «Gelıos», «Tehbytservıs», «№2 qalalyq aýrýhana» jáne «Óskemen qalasynyń arnaıy áleýmettik qyzmetterdi kórsetý jónindegi balalar ortalyǵy» memlekettik mekemeleri jáne t.b. bar. Qazirgi ýaqytta oblys ortalyǵyna satýshylar, nusqaýshylar, energetıkter, zańgerler, ınjener-baǵdarlamashylar qajet. Sondaı-aq menedjerler, sýpervaızerler, saýda ókilderi, operatorlar, kassırler, ekspedıtorlar, tehnologtar, elektr jabdyqtarynyń mamandary, slesarler, júrgizýshiler, kógaldandyrýshylar jáne basqa da mamandyq ıelerine suranys úlken. Jalpy, Óskemendegi jumys berýshiler barlyǵy 120-dan astam bos jumys ornyn usynatyn bolady. Al Semeı qalasynan 14 kásiporyn qatyspaq. Rıdderden kelgen jumys berýshiler ózderine 20-dan astam jumysshy izdeıdi. Olarǵa ásirese medıına qyzmetkerleri kerek eken. Borodýlıha aýdanynda túrli sanattaǵy muǵalimder qajet. Bos jumys oryndarynyń jalpy sany – 112. Glýbokoe aýdanynda 67 bos jumys orny, Shemonaıhada – 50, Zaısanda – 27, Katonqaraǵaı aýdanynda – 10. Barlyqtaryńyzdy kútemiz!
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз