ءماجىلىس دەپۋتاتى جۇلدىز سۇلەيمەنوۆا وقۋ-اعارتۋ ءمينيسترى عاني بەيسەمباەۆتى سىنعا الدى، دەپ حابارلايدى «ادىرنا» ءتىلشىسى.
«وسىدان 13 اي بۇرىن ءسىزدى قولداپ ەدىم. سودان بەرى ءبىرشاما ۋاقىت ءوتتى. ءبىلىم بەرۋ سالاسىندا كوپتەگەن ماسەلە بار. 2 رەت كوميتەتكە كەلدىڭىز. سول كەزدە سىزگە ءۇيىپ-توگىپ سۇراق قويدىم، ءسىز ءۇيىپ-توگىپ ۋادە بەرىپ، جاۋاپ قاتتىڭىز. بىراق بىرەۋى دە ورىندالمادى. مىسالى 50-بۇيرىقتى الايىقشى. 2013 جىلى قابىلدانعان بۇيرىقتا الەۋمەتتىك از قامتىلعان بالالارعا ارنالعان مەكتەپ-ينتەرناتى دەپ تۇر. ءبىز بالالاردى مەكتەپ كەزىنەن باستاپ سولاي ءبولىپ جاتىرمىز. مەن سىزگە بىلتىر كۇزدە وسى سۇراقتى قويعانمىن. بۇل ءالى شەشىمىن تاپپاپتى، وزگەرىس جوق. ودان كەيىن اقتوبە وبلىسىندا اشىلماي تۇرعان 6 مەكتەپ تۋرالى ايتتىم. اراعا التى اي سالىپ قايتا باردىم، ءالى سول كۇيىندە تۇر. نە قاراجاتى قاراستىرىلمايدى، نە جۇمىسى جوق. PISA-دان كەيىن «ءبىلىم بەرۋ باعدارلامالارى بويىنشا جاڭارتۋلاردى قاشان جاسايسىزدار؟» دەپ دەپۋتاتىق ساۋال جولدادىم. ماعان سىزدىرتپا جاۋاپ بەرەسىزدەر. ءار الدە بۇل باعدارلاما 5-6 جىل سايىن وزگەرىپ تۇرادى. ءبىز وزگەرتۋدىڭ ورنىنا ءبارىن توقتاتىپ قويدىق»،—دەدى ول.
سۇلەيمەنوۆا مۇعالىمدەردى اتتەستاتتاۋ ماسەلەسى تۋرالى دا ايتتى.
«ءسىزدىڭ شەشىمىڭىزبەن اتتەستتاتتاۋ پروتسەسى توقتاپ تۇر ەكەن. بۇل جەردە ەكى ماسەلە بار. ءبىرىنشىسى، ەگەر مۇعالىمدەر وتكەن اتتەستاتسياسىمەن ايلىق الىپ جاتسا، ول زاڭسىز بولىپ سانالادى. ءبىلىم بەرۋ سالاسىنىڭ ماماندارى اراعا ۋاقىت سالىپ، اتتەستاتتاۋدان ءوتىپ، كاسىبي بىلىكتىلىگىن كورسەتۋى ءتيىس. كاتەگورياسىن راستاي المادى ما، وندا ەسكى جىلمەن ايلىق الۋى قيسىنسىز. ەكىنشى ماسەلەنى ايتايىن. ءسىزدىڭ شەشىمىڭىزبەن ەندى دايىندالىپ جۇرگەن مۇعالىمدەر بار. سول مۇعالىمدەر ءالى تەستىلەۋدەن وتپەدى. شىنى كەرەك، بۇل قۇزىرەتتەردىڭ ءبارى ءسىزدىڭ قولىڭىزدا»،—دەدى دەپۋتات.
بۇدان بولەك ول فورۋمداردى ۇيىمداستىرۋدىڭ ورنىنا بىلىكتىلىكتى ارتتىرۋ كۋرستارىن نە PISA-دان ەڭ تومەن بالل العان وڭىرلەرمەن جۇمىستى باستاۋدى ۇسىندى.