Mäjılıs deputaty Jūldyz Süleimenova Oqu-aǧartu ministrı Ǧani Beisembaevty synǧa aldy, dep habarlaidy «Adyrna» tılşısı.
«Osydan 13 ai būryn sızdı qoldap edım. Sodan berı bırşama uaqyt öttı. Bılım beru salasynda köptegen mäsele bar. 2 ret komitetke keldıŋız. Sol kezde sızge üiıp-tögıp sūraq qoidym, sız üiıp-tögıp uäde berıp, jauap qattyŋyz. Bıraq bıreuı de oryndalmady. Mysaly 50-būiryqty alaiyqşy. 2013 jyly qabyldanǧan būiryqta äleumettık az qamtylǧan balalarǧa arnalǧan mektep-internaty dep tūr. Bız balalardy mektep kezınen bastap solai bölıp jatyrmyz. Men sızge byltyr küzde osy sūraqty qoiǧanmyn. Būl älı şeşımın tappapty, özgerıs joq. Odan keiın Aqtöbe oblysynda aşylmai tūrǧan 6 mektep turaly aittym. Araǧa alty ai salyp qaita bardym, älı sol küiınde tūr. Ne qarajaty qarastyrylmaidy, ne jūmysy joq. PISA-dan keiın «Bılım beru baǧdarlamalary boiynşa jaŋartulardy qaşan jasaisyzdar?» dep deputatyq saual joldadym. Maǧan syzdyrtpa jauap beresızder. Är älde būl baǧdarlama 5-6 jyl saiyn özgerıp tūrady. Bız özgertudıŋ ornyna bärın toqtatyp qoidyq»,—dedı ol.Süleimenova mūǧalımderdı attestattau mäselesı turaly da aitty. «Sızdıŋ şeşımıŋızben attesttattau prosesı toqtap tūr eken. Būl jerde ekı mäsele bar. Bırınşısı, eger mūǧalımder ötken attestasiiasymen ailyq alyp jatsa, ol zaŋsyz bolyp sanalady. Bılım beru salasynyŋ mamandary araǧa uaqyt salyp, attestattaudan ötıp, käsıbi bılıktılıgın körsetuı tiıs. Kategoriiasyn rastai almady ma, onda eskı jylmen ailyq aluy qisynsyz. Ekınşı mäselenı aitaiyn. Sızdıŋ şeşımıŋızben endı daiyndalyp jürgen mūǧalımder bar. Sol mūǧalımder älı testıleuden ötpedı. Şyny kerek, būl qūzıretterdıŋ bärı sızdıŋ qolyŋyzda»,—dedı deputat. Būdan bölek ol forumdardy ūiymdastyrudyŋ ornyna bılıktılıktı arttyru kurstaryn ne PISA-dan eŋ tömen ball alǧan öŋırlermen jūmysty bastaudy ūsyndy. https://youtube.com/watch?v=3Ey71LzrTvM&si=RKY91oK3kTWXPv4a
Ūqsas jaŋalyqtar
