Májilis depýtaty Juldyz Súleımenova Oqý-aǵartý mınıstri Ǵanı Beısembaevty synǵa aldy, dep habarlaıdy «Adyrna» tilshisi.
«Osydan 13 aı buryn sizdi qoldap edim. Sodan beri birshama ýaqyt ótti. Bilim berý salasynda kóptegen másele bar. 2 ret komıtetke keldińiz. Sol kezde sizge úıip-tógip suraq qoıdym, siz úıip-tógip ýáde berip, jaýap qattyńyz. Biraq bireýi de oryndalmady. Mysaly 50-buıryqty alaıyqshy. 2013 jyly qabyldanǵan buıryqta áleýmettik az qamtylǵan balalarǵa arnalǵan mektep-ınternaty dep tur. Biz balalardy mektep kezinen bastap solaı bólip jatyrmyz. Men sizge byltyr kúzde osy suraqty qoıǵanmyn. Bul áli sheshimin tappapty, ózgeris joq. Odan keıin Aqtóbe oblysynda ashylmaı turǵan 6 mektep týraly aıttym. Araǵa alty aı salyp qaıta bardym, áli sol kúıinde tur. Ne qarajaty qarastyrylmaıdy, ne jumysy joq. PISA-dan keıin «Bilim berý baǵdarlamalary boıynsha jańartýlardy qashan jasaısyzdar?» dep depýtatyq saýal joldadym. Maǵan syzdyrtpa jaýap beresizder. Ár álde bul baǵdarlama 5-6 jyl saıyn ózgerip turady. Biz ózgertýdiń ornyna bárin toqtatyp qoıdyq»,—dedi ol.
Súleımenova muǵalimderdi attestattaý máselesi týraly da aıtty.
«Sizdiń sheshimińizben attesttattaý proesi toqtap tur eken. Bul jerde eki másele bar. Birinshisi, eger muǵalimder ótken attestaııasymen aılyq alyp jatsa, ol zańsyz bolyp sanalady. Bilim berý salasynyń mamandary araǵa ýaqyt salyp, attestattaýdan ótip, kásibı biliktiligin kórsetýi tıis. Kategorııasyn rastaı almady ma, onda eski jylmen aılyq alýy qısynsyz. Ekinshi máseleni aıtaıyn. Sizdiń sheshimińizben endi daıyndalyp júrgen muǵalimder bar. Sol muǵalimder áli testileýden ótpedi. Shyny kerek, bul quziretterdiń bári sizdiń qolyńyzda»,—dedi depýtat.
Budan bólek ol forýmdardy uıymdastyrýdyń ornyna biliktilikti arttyrý kýrstaryn ne PISA-dan eń tómen ball alǵan óńirlermen jumysty bastaýdy usyndy.
