اقمولا پوليتسەيلەرى 20 جىل بويى ىزدەۋدە جۇرگەن قىلمىسكەردى انىقتادى، دەپ حابارلايدى «ادىرنا» ءتىلشىسى ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
وسى جىلدار بويى ەر ادام رەسەي فەدەراتسياسىنىڭ اۋماعىندا جاسىرىنىپ، ءتىپتى باسقا مەملەكەتتىڭ ازاماتتىعىن الىپ، وتباسىن قۇرعان.
«ول 20 جىل بويى توپتىق قاراقشىلىق شابۋىل جاساعانى ءۇشىن ىزدەۋدە بولدى. قر قك-ءنىڭ 179-بابىنىڭ 2-بولىگى (ەسكى رەداكتسيادا) قاراستىرىلعان قىلمىس 2003 جىلدىڭ مامىرىندا جاسالعان.
سول ۋاقىتتا 27 جاستاعى ەر ادام قىلمىستىق قۋدالاۋ ورگاندارىنان جاسىرىنىپ ۇلگەرىپ، ينگۋشەتيا رەسپۋبليكاسىنىڭ اۋماعىندا ۇزاق ۋاقىت تىعىلىپ جۇرگەن. 20 جىل بويى اقمولا پوليتسەيلەرى ونىڭ ورنالاسقان جەرىن انىقتاۋ بويىنشا جەدەل-ىزدەستىرۋ ءىس-شارالارىن توقتاتقان ەمەس. 2023 جىلدىڭ ماۋسىمىندا جاسالعان قىلمىسقا قاتىسى بار قىلمىسكەر 20 جىل وتكەن سوڭ مالگوبەك قالاسىندا انىقتالدى. ەر ادامنىڭ وتباسى مەن ءتورت بالاسى بار ەكەندىگى بەلگىلى بولدى. ول قازاقستاندا جاسالعان قىلمىستى ۇمىتپاعان جانە ءوزىنىڭ قاتىسى بار ەكەندىگىن جوققا شىعارمادى»،—دەدى باسقارما.
قازىرگى ۋاقىتتا قاجەتتى تەرگەۋ امالدارى جۇرگىزىلىپ جاتىر.
