اقش پرەزيدەنتى دجو بايدەن سيريا مەن تۇركياداعى جەر سىلكىنىسىنەن زارداپ شەككەن بوسقىندار مەن ميگرانتتارعا فەدەرالدى توتەنشە كومەك قورىنان 50 ميلليون دوللار جىبەرۋ جونىندە شەشىم قابىلدادى. بۇل تۋرالى جۇما كۇنى اق ءۇي تاراتقان مەموراندۋمدا ايتىلعان، دەپ حابارلايدى “ادىرنا” ۇلتتىق پورتالى. تاسس اگەنتتىگىنە سىلتەمە جاساپ.
«2023 جىلعى اقپاندا تۇركيا مەن سيريادا بولعان جەر سىلكىنىسىنەن بوسقىن جانە ميگرانت بولعانداردىڭ شۇعىل قاجەتتىلىكتەرىن قاناعاتتاندىرۋ ماقساتىندا، ونىڭ ىشىندە حالىقارالىق جانە ۇكىمەتتىك ەمەس ۇيىمدارعا گۋمانيتارلىق كومەك كورسەتۋ ءۇشىن جارنا مەن باسقا دا كومەك ارقىلى قوردان 50 ملن دوللاردان اسپايتىن كولەمدە كومەك كورسەتۋ ۇلتتىق مۇددە ءۇشىن ماڭىزدى دەپ سانايتىنىن»، دەپ اتاپ ءوتتى اقش پرەزيدەنتى
ەسكە سالا كەتەيىك، 7,7 جانە 7,6 باللدىق جەر سىلكىنىسى 6 اقپاندا تۇركيانىڭ وڭتۇستىك-شىعىسىنداعى كاحرامانماراش پروۆينتسياسىندا توعىز ساعاتتىق ينتەرۆالمەن بولدى. جەر استى دۇمپۋلەرى، سودان كەيىنگى جۇزدەگەن افتەرشوك رەسپۋبليكانىڭ 10 پروۆينتسياسىندا جانە كورشى ەلدەردە، سونىڭ ىشىندە ەڭ كوپ زارداپ شەككەن سيريادا سەزىلدى.
ال 20 اقپاندا حاتاي پروۆينتسياسىندا ماگنيتۋداسى 6,4 جانە 5,8 بولاتىن ەكى ءزىلزالا بولدى.
تۇركيادا قۇربان بولعاندار سانى 44 218 ادامدى قۇرادى.
