«ەرتىس ورمانى» مەملەكەتتىك ورمان تابيعي رەزەرۆاتى (قورىق) باسشىسى ارمان بەكتەمىروۆ پارا الدى دەگەن كۇدىككە ءىلىندى، دەپ حابارلايدى “ادىرنا” ۇلتتىق پورتالى.
بۇل تۋرالى بۇگىن، 2024 جىلعى 6 اقپاندا قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى مالىمدەدى.
«پارا الۋشىنىڭ كاسىپكەرلەرگە كوممەرتسيالىق اعاشتاردى زاڭسىز كەسۋ جانە ساتۋ ءۇشىن پارا الۋ ماقساتىندا قىلمىستىق سحەمانى ۇيىمداستىرعانى انىقتالدى. اعىمداعى جىلدىڭ 26 قاڭتارىندا تەرگەۋ سوتىنىڭ سانكتسياسىمەن قورىق باسشىسى ۋاقىتشا ۇستاۋ يزولياتورىنا ەكى ايعا قاماۋعا الىندى»، - دەلىنگەن حابارلامادا.
سونداي-اق رەزەرۆاتتىڭ بەس بۋحگالتەرىنە قاتىستى سوتقا دەيىنگى تەرگەۋ جۇرگىزىلۋدە، ولار 2021-2023 جىلدار ارالىعىندا وزدەرىنىڭ كارتوچكالىق شوتتارىنا، مەكەمەنىڭ جۇمىس ىستەپ تۇرعان جانە بۇرىنعى قىزمەتكەرلەرىنىڭ شوتتارىنا جالاقىنى ەسەپتەپ، اۋدارۋ ارقىلى 25 ملن تەڭگە سوماسىندا اسا ءىرى مولشەردە بيۋدجەت قاراجاتىن جىمقىرعان دەگەن كۇدىكپنن رەزەرۆاتتىڭ بەس بۋحگالتەرىنە دە قاتىستى سوتقا دەيىنگى تەرگەۋ جۇرگىزىلۋدە.
“ادىرنا” ۇلتتىق پورتالى
