قوستاناي وبلىسىنىڭ پوليتسياسى 15 جاسار ءجاسوسپىرىمدى ىزدەستىرىپ جاتىر، دەپ حابارلايدى "ادىرنا" ۇلتتىق پورتالى قازاقپارات-قا سىلتەمە جاساپ.
قوستاناي وبلىسىنىڭ پوليتسيا دەپارتامەنتى 16 ءساۋىر كۇنى بوروۆسكوي مەكتەپ-ينتەرناتىنان كەتىپ قالعان 15 جاسار رۋستام تاشماعامبەتوۆكە ىزدەۋ سالدى. ونىڭ نە سەبەپتەن ينتەرناتتان كەتكەنى ازىرگە بەلگىسىز.
كامەلەت جاسىنا تولماعان بالا - اۋليەكول اۋدانىنىڭ تۋماسى ەكەنى انىقتالدى.
قازىرگى ۋاقىتتا پوليتسيا قىزمەتكەرلەرى وبلىس ورتالىعىندا جانە اۋدانداردا ىزدەستىرۋ شارالارىن جۇرگىزىپ جاتىر.
وقۋشىسى ىزدەستىرۋ جۇمىستارىنا پوليتسيانىڭ بۇكىل قۇرامى جۇمىلدىرىلعان ءارى ەرىكتىلەر قوسىلعان.
پوليتسيا قىزمەتكەرلەرى جوعالعان ءجاسوسپىرىمدى كورگەن-بىلگەندەر بولسا، 102 تەلەفونى ارقىلى حابارلاۋىن وتىنەدى.
"ادىرنا" ۇلتتىق پورتالى
ۇقساس جاڭالىقتار
