اتىراۋداعى بالاباقشالاردىڭ بىرىندە تاربيەشى بالانى ۇرىپ جىبەردى، دەپ حابارلايدى "ادىرنا" ءتىلشىسى Stan.kz-كە سىلتەپ.
دامۋ مۇمكىندىگى شەكتەۋلى بالالاردى تاربيەلەيتىن ورتالىقتا تاربيەشى بالاعا قول كوتەرگەن ۆيدەوسى جەلىدە تاراپ كەتتى.
بەينەجازبادا تاپسىرما ورىنداپ وتىرعان بالاقاي جان-جاعىنا الاڭداعان. سول ارەكەتى ءۇشىن وقىتۋشىدان شاپالاق العان.
بۇل وقيعا اتىراۋداعى "دارا-ينكلۋ" جەكەمەنشىك بالاباقشاسىندا بولعانى انىقتالىپ وتىر. بەينەجازبانى بالاباقشا قىزمەتكەرلەرىنىڭ وزدەرى ساباق ءوتۋ كەزىن كورسەتۋ رەتىندە ءتۇسىرىپ، اتا-انالار توبىنا جولداپ جىبەرگەن.
بالانىڭ اتا-اناسى قىزمەتكەردىڭ ۇستىنەن ارىزدانعان.
“اتىراۋ قالالىق پوليتسيا دەپارتامەنت اتالعان فاكتى بويىنشا تەرگەۋ باستالعانىن، باسقا مالىمەتتەر تەرگەۋ مۇددەسى ءۇشىن جاريا ەتىلمەيتىنى حابارلايدى”، – دەدى قالالىق پوليتسيا دەپارتامەنتى.
قالالىق ءبىلىم ءبولىمى دە وقيعانىڭ قاتاڭ باقىلاۋدا ەكەنىن حابارلادى.
“تەكسەرۋ قورىتىندىسى بويىنشا زاڭعا سايكەس تارتىپتىك شارالار قولدانىلادى”، – دەلىنگەن حابارلامادا.
