الماتىداعى بالالار ءبىلىم بەرۋ ورتالىقتارىنىڭ بىرىندە ءبىر جارىم جاستاعى قىز بالانى اياۋشىلىقسىز ۇرىپ-سوققان. بۇل تۋرالى «NeMolchiKz» قورىنىڭ نەگىزىن قالاۋشى دينا تانساري حابارلادى. قالالىق پوليتسيا باسقارماسى بۇل جاعدايعا تۇسىنىكتەمە بەردى، دەپ حابارلايدى "ادىرنا" ۇلتتىق پورتالى.
دينا ءتانساريدىڭ ايتۋىنشا، بالا بىرنەشە رەت سوققىعا جىعىلعان جانە باسىنان جاراقات العان.
«ديرەكتور بۇل ءىستى ءوزى سياقتى بالا جاسادى دەپ سەندىرەدى! سەنۋ قيىن»، - دەپ جازدى ول ءوزىنىڭ Facebook پاراقشاسىندا.
پوليتسيا دەپارتامەنتى بۇل ءىس بويىنشا تەرگەۋ امالدارى جۇرگىزىلىپ جاتقانىن حابارلادى.
«بۇل فاكت قىلمىستىق كودەكستىڭ 141-بابى، بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جونىندەگى مىندەتتەردى ءتيىستى تۇردە ورىنداماۋ بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. ال پروتسەسسۋالدىق شەشىم قىلمىستىق ءىس بويىنشا قابىلدانادى»، - دەپ حابارلادى دپ ءباسپاسوز قىزمەتى.
"ادىرنا" ۇلتتىق پورتالى
