«مايقايىڭ التىن» كارەرىنە قۇلاپ كەتكەن قۇتقارۋشىلاردىڭ زاتتارى تابىلدى. بۇل تۋرالى پاۆلودار وبلىسىنىڭ اكىمى اسايىن بايحانوۆ ايتتى، دەپ حابارلايدى «ادىرنا» ءتىلشىسى.
«مايقايىڭ التىن» اق كەنىشىندە ىزدەۋ جۇمىستارى جۇرگىزىلگەن جەردە بۇگىن جاڭا بولشەكتەر، ياعني قۇتقارۋشىنىڭ كاسكاسى، اۆتوبۋستىڭ ىشكى سورەسى ەسىگىنىڭ كىشىگىرىم بولىگى جانە دە قۇتقارۋشىنىڭ «XFERRA» قول راديوستانتسياسى تابىلىپ، جەر بەتىنە كوتەرىلدى»،—دەدى ول.
ەسكە سالا كەتەيىك، بۇعان دەيىن قۇتقارۋشىلار اۆتوبۋستىڭ ۇلكەن بولشەگىن – دوڭگەلەگىن تاپقان بولاتىن.
بۇعان دەيىن اپانعا ءتۇسىپ كەتكەن اۆتوبۋستىڭ شوپىرى ايىپ تىلەۋبەرگەنوۆ پەن قۇتقارۋشى ايدوس شايمەردەننىڭ تۋىستارى پرەزيدەنت توقاەۆقا ۇندەۋ جولداپ، شەتەلدىك قۇتقارۋشىلاردى شاقىرۋىن سۇراعان.
وسىدان 10 كۇن بۇرىن قۇتقارۋ جۇمىستارىنا 147 قۇتقارۋشى مەن 45 تەحنيكا ءۇش يت جۇمىلدىرىلعانى حابارلانعان. ونىڭ ىشىندە 45 قۇتقارۋشىنىڭ شۇڭقىر تۇبىندە جۇمىس ىستەپ جاتقانى ايتىلعان.
اپات قاڭتار ايىنىڭ 4-ىندە بولعان.
