«Maıqaıyń Altyn» karerine qulap ketken qutqarýshylardyń zattary tabyldy. Bul týraly Pavlodar oblysynyń ákimi Asaıyn Baıhanov aıtty, dep habarlaıdy «Adyrna» tilshisi.
«Maıqaıyń Altyn» AQ kenishinde izdeý jumystary júrgizilgen jerde búgin jańa bólshekter, ıaǵnı qutqarýshynyń kaskasy, avtobýstyń ishki sóresi esiginiń kishigirim bóligi jáne de qutqarýshynyń «XFERRA» qol radıostanııasy tabylyp, jer betine kóterildi»,—dedi ol.
Eske sala keteıik, buǵan deıin qutqarýshylar avtobýstyń úlken bólshegin – dóńgelegin tapqan bolatyn.
Buǵan deıin apanǵa túsip ketken avtobýstyń shopyry Aıyp Tileýbergenov pen qutqarýshy Aıdos Sháımerdenniń týystary Prezıdent Toqaevqa úndeý joldap, sheteldik qutqarýshylardy shaqyrýyn suraǵan.
Osydan 10 kún buryn qutqarý jumystaryna 147 qutqarýshy men 45 tehnıka úsh ıt jumyldyrylǵany habarlanǵan. Onyń ishinde 45 qutqarýshynyń shuńqyr túbinde jumys istep jatqany aıtylǵan.
Apat qańtar aıynyń 4-inde bolǵan.
