Prezıdent Qasym-Jomart Toqaev Joǵary sot keńesiniń tóraǵasy Denıs Shıppti qabyldady, dep habarlaıdy «Adyrna» tilshisi Aqordaǵa silteme jasap.
Denıs Shıpp Joǵary sot keńesiniń 2023 jylǵy qyzmetiniń qorytyndysy, elimizdegi sýdıalar korpýsynyń qazirgi jaı-kúıi, aldaǵy kezeńge arnalǵan jospary jóninde baıandady. Aıtýynsha, Keńes byltyr Memleket basshysy júktegen birqatar mindetti júzege asyrdy. Joǵary sot keńesin ınstıtýıonaldyq turǵyda kúsheıtý jáne sýdıa bolýǵa úmitkerlerdi daıyndaý, biliktiligin kóterý, olardyń shekti jasyn uzartý, ókilettikterin ýaqytsha toqtatý nemese múlde toqtatý máselelerin atalǵan organnyń quzyretine berý jumystary atqarylǵan.
Sondaı-aq tóraǵa keńestiń sýdıalardy irikteý tártibin jetildirý, ashyqtyq pen tıimdilikti qamtamasyz etý jumystary týraly málimet berdi.
Qasym-Jomart Toqaev sýdıalardyń táýelsizdigin kúsheıtýge jáne olardy sapaly túrde irikteýge baǵyttalǵan reformalardy tıimdi júzege asyrý jumystaryn jalǵastyrýdy tapsyrdy.
