الماتىدا "سپارتاك" ستاديونىندا" ءدۇبىرلى تۋرنير ءوتتى. بۇل جولى جاسىل الاڭدا فۋتبولشىلار ەمەس، جۋرناليستەر دوپ تەپتى. 45 جىل بويى اۋىل مەكتەبىندە بالا وقىتىپ، ۇرپاق تاربيەلەۋدە ولشەۋسىز ۇلەس قوسقان اياۋلى ۇستاز، كازاق كسر وقۋ-اعارتۋ ءىسىنىڭ ۇزدىك قايراتكەرى،ۇلى وتان سوعىسىنىڭ ارداگەرى، قورداي اۋدانىنىڭ قۇرمەتتى ازاماتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ 1948-1951 جىلدارداعى تۇلەگى ورداباي سادىبەكوۆتىڭ قۇرمەتىنە ۇرپاقتارى كەرەمەت تۋرنير وتكىزدى.تاڭ اتقاننان باستالعان تۋرنير كەش باتا توقتادى. ەكى توپقا بولىنگەن 10 كوماندا جان الىپ، جان بەرىستى. فينالدا ورداباي اقساقالدىڭ اۋىلى قورداي اۋدانى كەنەننەن كەلگەن «كەنەن-1» كومانداسىنىڭ اياقدوپشىلارى مەن الماتىلىق «قالامگەر» جۋرناليستەر قۇراماسى كەزدەستى. تالاي رەسپۋبليكالىق باق وكىلدەرى اراسىنداعى تۋرنيرلەردىڭ جەڭىمپازدارىنا قارسى اۋدانارالىق سايىستاردىڭ شاڭىن شىعارىپ جۇرگەن كەنەن اتا اتىنداعى اۋىلدىڭ اياقدوپشىلارى قارسى كەزدەستى. ويىن وتە شيرىققان جاعدايدا ءوتتى. رەسپۋبليكاعا ەسىم-سويى بەلگىلى جاناربەك ءاشىمجان، جاندوس ايتبايۇلى باستاعان جۋرناليستەر وتە قارقىندى باستادى ماتچتى. بىراق، ايدار اۋەزتايۇلىنىڭ ءتالىمىن العان كەنەن اتا اۋىلى وڭايلىقپەن الدىرمادى. الدىرعانىڭىز نە 2:1 ەسەبىمەن جەڭىسكە جەتتى.
ال قولا جۇلدە الاڭ يەلەرى «اباي اتىنداعى «قاز ۇپۋ» كومانداسىنا بۇيىردى. ولار 3-ءشى ورىن جارىستا قارعالى اۋىلىنىڭ كومانداسىن قاپى قالدىردى.
ءتۋرنيرىڭ «ەڭ ۇزدىك ويىنشى» اتاعىنا «قالامگەر» كومانداسىنىڭ ويىنشىسى دياس قاپجاپپاروۆ يە بولدى. «ەڭ ۇزدىك شابۋىلشى» بولىپ نۇرلان اقىنبەكوۆ تانىلدى. ال «ەڭ ۇزدىك قاقپاشى» نوميناتسياسى بويىنشا «كەنەن-1» كومانداسىنىڭ ارداگەر قاقپاشىسى مۇرات كەنەنوۆ يە بولدى.
