Almatyda "Spartak" stadıonynda" dúbirli týrnır ótti. Bul joly jasyl alańda fýtbolshylar emes, jýrnalıster dop tepti. 45 jyl boıy aýyl mektebinde bala oqytyp, urpaq tárbıeleýde ólsheýsiz úles qosqan aıaýly ustaz, Kazaq KSR Oqý-aǵartý isiniń úzdik qaıratkeri,Uly Otan soǵysynyń ardageri, Qordaı aýdanynyń qurmetti azamaty, Abaı atyndaǵy Qazaq Ulttyq pedagogıkalyq ýnıversıtetiniń 1948-1951 jyldardaǵy túlegi Ordabaı Sádibekovtiń qurmetine urpaqtary keremet týrnır ótkizdi.Tań atqannan bastalǵan týrnır kesh bata toqtady. Eki topqa bólingen 10 komanda jan alyp, jan beristi. Fınalda Ordabaı aqsaqaldyń aýyly Qordaı aýdany Kenennen kelgen «Kenen-1» komandasynyń aıaqdopshylary men almatylyq «Qalamger» jýrnalıster quramasy kezdesti. Talaı respýblıkalyq BAQ ókilderi arasyndaǵy týrnırlerdiń jeńimpazdaryna qarsy aýdanaralyq saıystardyń shańyn shyǵaryp júrgen Kenen ata atyndaǵy aýyldyń aıaqdopshylary qarsy kezdesti. Oıyn óte shıryqqan jaǵdaıda ótti. Respýblıkaǵa esim-soıy belgili Janarbek Áshimjan, Jandos Aıtbaıuly bastaǵan jýrnalıster óte qarqyndy bastady matchty. Biraq, Aıdar Áýeztaıulynyń tálimin alǵan Kenen ata aýyly ońaılyqpen aldyrmady. Aldyrǵanyńyz ne 2:1 esebimen jeńiske jetti.
Al qola júlde alań ıeleri «Abaı atyndaǵy «Qaz UPÝ» komandasyna buıyrdy. Olar 3-shi oryn jarysta Qarǵaly aýylynyń komandasyn qapy qaldyrdy.
Týrnıriń «Eń úzdik oıynshy» ataǵyna «Qalamger» komandasynyń oıynshysy Dıas Qapjapparov ıe boldy. «Eń úzdik shabýylshy» bolyp Nurlan Aqynbekov tanyldy. Al «Eń úzdik qaqpashy» nomınaııasy boıynsha «Kenen-1» komandasynyń ardager qaqpashysy Murat Kenenov ıe boldy.
