«ۇلتتىق قوردان-بالالارعا» باعدارلاماسى بويىنشا العاشقى تولەمدەر قازاقستاندىق بۇلدىرشىندەرگە تۇسە باستادى، - دەپ حابارلايدى “ادىرنا” ۇلتتىق پورتالى.
باعدارلاماعا قاتىسقان بالالاردىڭ ارنايى شوتتارىنا 100,52 دوللاردان ءتۇستى.
بالانىڭ جسن-ءىن سايكەس بولىمگە ەنگىزۋ ارقىلى kids.enpf.kz سايتىنداعى بالالاردىڭ شوتتارىندا قاراجاتتىڭ بار-جوعىن تەكسەرۋگە بولادى.
2006 جىلى جانە ودان كەيىن تۋىلعان قازاقستان ازاماتتارىنىڭ بارلىق بالالارىنا جىل سايىن قازاقستان ۇلتتىق قورىنىڭ ينۆەستيتسيالىق تابىسىنىڭ 50 پايىزى اۋدارىلاتىن بولادى.
وتكەن جىلدارى بالالارعا ەسەپتەلگەن سومالار ۇلتتىق قور اكتيۆتەرىنىڭ قۇرامىنا ينۆەستيتسيالاۋدى جالعاستىرادى. ناتيجەسىندە ولارعا قوسىمشا ينۆەستيتسيالىق تابىس ەسەپتەلەتىن بولادى.
بالالار 18 جاسقا تولعانعا دەيىن نىسانالى تالاپتارعا سايكەس شوتتان قاراجاتتى مەرزىمىنەن بۇرىن الا المايدى. بالالار 18 جاسقا تولعان جىلى قاراجاتتار نىسانالى جيناقتاۋ شوتىنا اۋدارىلادى. كەيىن كامەلەتكە تولعاننان كەيىن جيناقتار ەكى ماقساتقا - تۇرعىن ءۇي جاعدايلارىن جاقسارتۋعا جانە ءبىلىم الۋعا اقى تولەۋگە پايدالانۋعا بەرىلەدى.
