قازاقستاندا اقپاراتتىق اگەنتتىكتەر زاڭسىز بولۋى مۇمكىن، دەپ حابارلايدى "ادىرنا" پورتالى.
"وسى زاڭدا مىناداي نەگىزگى ۇعىمدار پايدالانىلادى: ( ... )" 9) بۇقارالىق اقپارات قۇرالى – مەرزىمدى ءباسپاسوز باسىلىمى، تەلە-, راديوارنا، ينتەرنەت-باسىلىم", - دەلىنگەن ءماجىلىس دەپۋتاتى نيكيتا شاتالوۆتىڭ 25 قاڭتارداعى "ماسس-مەديا تۋرالى " زاڭ جوباسىنا وزگەرتۋ ەنگىزۋ تۋرالى تالقىلانعان جۇمىس توبىنىڭ وتىرىسىندا.
وسىلايشا، تۇجىرىمدامادا ايتىلعانداي "بۇقارالىق اقپارات قۇرالى – مەرزىمدى ءباسپاسوز باسىلىمى، تەلە-, راديوارنا، اقپاراتتىق اگەنتتىك، سونداي-اق ۋاكىلەتتى ورگاندا ەسەپكە قويىلعان جەلىلىك باسىلىم" اقپارات اگەنتتىكتەرى باق ءتۇرى رەتىندە الىنىپ تاستالۋى مۇمكىن.
"قازىرگى ۋاقىتتا ينتەرنەت-باق پەن بارلىق باسقا ينتەرنەت-رەسۋرستاردىڭ اراجىگىن اجىراتۋ ماسەلەسى قوزعالۋدا. سونىمەن قاتار، تەك اقپاراتتىق اگەنتتىكتەر مىندەتتى تۇردە ەسەپكە الىنادى. جەلىلىك باسىلىمدار ءوزىنىڭ انىقتاماسىنا قاراماستان ەرىكتى تۇردە ەسەپكە تۇرۋعا قۇقىلى. ينتەرنەت-رەسۋرستار مەن اقپاراتتىق اگەنتتىكتەردى بۇقارالىق اقپارات قۇرالدارىنىڭ ءبىر ءتۇرى بولىپ تابىلاتىن "ينتەرنەت-باسىلىمدار" بىرىڭعاي ۇعىمىنا بىرىكتىرۋ ۇسىنىلادى. بۇل رەتتە، ينتەرنەت-باسىلىمدار بارلىق ءداستۇرلى باق سياقتى مىندەتتى تۇردە ەسەپكە قويىلادى", - دەلىنگەن ۇسىنىلعان تۇزەتۋدىڭ نەگىزدەمەسىندە.
ءماجىلىس سايتىندا جاريالانعان زاڭ جوباسىنىڭ باستاپقى نۇسقاسىندا تۇجىرىمدامالىق اپپاراتتاعى اقپاراتتىق اگەنتتىكتەر ءالى دە بار ەكەنىن اتاپ وتەمىز.
