Qazaqstanda aqparattyq agenttikter zańsyz bolýy múmkin, dep habarlaıdy "Adyrna" portaly.
"Osy Zańda mynadaı negizgi uǵymdar paıdalanylady: ( ... )" 9) buqaralyq aqparat quraly – merzimdi baspasóz basylymy, tele-, radıoarna, ınternet-basylym", - delingen Májilis depýtaty Nıkıta Shatalovtyń 25 qańtardaǵy "mass-medıa týraly " zań jobasyna ózgertý engizý týraly talqylanǵan jumys tobynyń otyrysynda.
Osylaısha, tujyrymdamada aıtylǵandaı "buqaralyq aqparat quraly – merzimdi baspasóz basylymy, tele-, radıoarna, aqparattyq agenttik, sondaı-aq ýákiletti organda esepke qoıylǵan jelilik basylym" aqparat agenttikteri BAQ túri retinde alynyp tastalýy múmkin.
"Qazirgi ýaqytta ınternet-BAQ pen barlyq basqa ınternet-resýrstardyń arajigin ajyratý máselesi qozǵalýda. Sonymen qatar, tek aqparattyq agenttikter mindetti túrde esepke alynady. Jelilik basylymdar óziniń anyqtamasyna qaramastan erikti túrde esepke turýǵa quqyly. Internet-resýrstar men aqparattyq agenttikterdi buqaralyq aqparat quraldarynyń bir túri bolyp tabylatyn "ınternet-basylymdar" biryńǵaı uǵymyna biriktirý usynylady. Bul rette, ınternet-basylymdar barlyq dástúrli BAQ sııaqty mindetti túrde esepke qoıylady", - delingen usynylǵan túzetýdiń negizdemesinde.
Májilis saıtynda jarııalanǵan zań jobasynyń bastapqy nusqasynda tujyrymdamalyq apparattaǵy aqparattyq agenttikter áli de bar ekenin atap ótemiz.
