Şatalov şatastyrdy. Endı aqparat agenttıkterı zaŋsyz bola ma?

Qazaqstanda aqparattyq agenttıkter zaŋsyz boluy mümkın, dep habarlaidy "Adyrna" portaly. "Osy Zaŋda mynadai negızgı ūǧymdar paidalanylady: ( ... )" 9) būqaralyq aqparat qūraly – merzımdı baspasöz basylymy, tele-, radioarna, internet-basylym", - delıngen Mäjılıs deputaty Nikita Şatalovtyŋ 25 qaŋtardaǧy "mass-media turaly " zaŋ jobasyna özgertu engızu turaly talqylanǧan jūmys tobynyŋ otyrysynda. Osylaişa, tūjyrymdamada aitylǧandai "būqaralyq aqparat qūraly – merzımdı baspasöz basylymy, tele-, radioarna, aqparattyq agenttık, sondai-aq uäkılettı organda esepke qoiylǧan jelılık basylym" aqparat agenttıkterı BAQ türı retınde alynyp tastaluy mümkın. "Qazırgı uaqytta internet-BAQ pen barlyq basqa internet-resurstardyŋ arajıgın ajyratu mäselesı qozǧaluda. Sonymen qatar, tek aqparattyq agenttıkter mındettı türde esepke alynady. Jelılık basylymdar özınıŋ anyqtamasyna qaramastan erıktı türde esepke tūruǧa qūqyly. İnternet-resurstar men aqparattyq agenttıkterdı būqaralyq aqparat qūraldarynyŋ bır türı bolyp tabylatyn "internet-basylymdar" bıryŋǧai ūǧymyna bırıktıru ūsynylady. Būl rette, internet-basylymdar barlyq dästürlı BAQ siiaqty mındettı türde esepke qoiylady", - delıngen ūsynylǧan tüzetudıŋ negızdemesınde. Mäjılıs saitynda jariialanǧan zaŋ jobasynyŋ bastapqy nūsqasynda tūjyrymdamalyq apparattaǧy aqparattyq agenttıkter älı de bar ekenın atap ötemız.