استانادا بولات اتاباەۆ تۋرالى “مىڭ جىلدىق ويىن” دەرەكتى ءفيلمىنىڭ پرەمەراسى ءوتتى، دەپ حابارلايدى “ادىرنا” ۇلتتىق پورتالى ulysmedia.kz سايتىنا سىلتەمە جاساپ.
ءفيلمنىڭ تۇساۋكەسەرىنە تەاتر جاستارى، ونەر سالاسىندا ءبىلىم الىپ جاتقان ستۋدەنتتەر، مارقۇمنىڭ تۋىستارى، سونداي-اق زيالى قاۋىم وكىلدەرى دە كەلدى.
ءفيلمنىڭ اۆتورى – جازۋشى، جۋرناليست، دوكۋمەنتاليست قانات تىلەۋحان. ءفيلمنىڭ اتى – «مىڭ جىلدىق ويىن».
“2021 جىلى بولات اتاباەۆتىڭ 70 جىلدىعى ەدى. سوعان وراي تۇسىرسە دەگەن اۋەلدە وي بولعان. بىراق ونىڭ رەتى بيىل كەلدى. تەاتردىڭ مىڭ جىلدىق ويىنى ءالى جالعاسىپ جاتىر. اۆتوريتارلىق جۇيەنىڭ، ديكتاتورلىق بيلىكتىڭ سوناۋ ريم يمپەرياسىنان بەرگى يمپەراتورلاردىڭ حالىقپەن ويناۋىنا دا مىڭ جىل. وسى مىڭجىلدىق ويىنداردىڭ اراسىندا باسىن تاسقا دا، تاۋعا دا سوققان رەجيسسەردىڭ بەينەسىن جاساۋعا مۇمكىندىگىمىزشە تىرىستىق. ارينە، جاڭا ەرمەك تۇرسىنوۆ ايتقانداي بولات اعا ەڭ ءبىرىنشى كەزەكتە سۋرەتكەر. بۇل تەاتردىڭ قارسىلىعى، تەاتردىڭ كۇرەسى. ونەر ارقىلى ول كىسى ءوزىنىڭ ءسوزىن ايتقىسى كەلدى. ەركىندىك، دەموكراتيالىق قۇندىلىقتاردى دارىپتەگىسى كەلدى”، – دەيدى فيلم اۆتورى قانات تىلەۋحان.
ەسكە سالا كەتەيىك، بولات ماناشۇلى اتاباەۆ – رەجيسسەر، قازاقستاننىڭ ەڭبەك سىڭىرگەن ونەر قايراتكەرى. "اقساراي" تەاترىنىڭ كوركەمدىك جەتەكشىسى.
رەجيسسەر قازاق مەملەكەتتىك اكادەميالىق دراما تەاترىنىڭ ساحناسىندا ب.ريموۆانىڭ "قوس مۇنلىق", م.ماقاتاەۆتىڭ "قوش، ماحاببات" (1991), ي.ورازباەۆتىڭ "شىڭعىس حان" (1994), ق.ىسقاقتىڭ "جان قيماق" (1995), ر.مۇقانوۆانىڭ "ماڭگىلىك بالا بەينە" (1996), ءا.كەكىلباەۆتىڭ "ابىلاي حان" (1998), ا.چەحوۆتىڭ "شاعالا" (1998), م.مەتەرلينكتىڭ "سوقىرلار" (1993), ب.برەحتتىڭ "توعىشاردڭ تويى" (1999); سونىمەن قاتار ر.مۇقانوۆانىڭ "قارالى سۇلۋ" (م.اۋەزوۆتىڭ شىعارماسى بويىنشا) سپەكتاكلدەرىن كورەرمەن نازارىنا ۇسىنعان.
“ادىرنا” ۇلتتىق پورتالى
