70 جاسىنا قاراعان شاعىندا بەلگىلى تەاتر رەجيسسەرى، دراماتۋرگ، قوعام قايراتكەرى بولات اتاباەۆ ومىردەن ءوتتى دەپ حابارلايدى "ادىرنا" ۇلتتىق پورتالى.
بۇل تۋرالى Facebook-تە قۇقىق قورعاۋشى باقىت تورەعوجينا مالىمدەدى. جانە بۇل اقپاراتتى مادەنيەت جانە سپورت مينيسترلىگى راستادى. بولات اتاباەۆ 28 شىلدە كۇنى اۋرۋحانادا كوز جۇمعان.
بولات ماناشۇلى اتاباەۆ 1952 جىلى تالدىقورعان وبلىسىنداعى تەنتەك اۋىلىندا تۋعان. نەمىس دراما تەاترىنىڭ جانە اۋەزوۆ اتىنداعى قازاق دراما تەاترىنىڭ باس رەجيسسەرى قىزمەتىن اتقاردى. "اقساراي" تەاترىنىڭ جەتەكشىسى بولدى. ول ءوزىنىڭ العاشقى رەجيسسەرلىك ونەر جولىن قاراعاندى وبلىسىنىڭ تەمىرتاۋ قالاسىنداعى نەمىس دراما تەاترىندا سپەكتاكل قويۋمەن باستادى.
1990 جىلى قازاق مەملەكەتتىك اكادەميالىق دراما تەاترىنا اۋىسىپ، ب.ريموۆانىڭ «قوس مۇنلىق»، م.ماقاتاەۆتىڭ «قوش، ماحاببات»، ي.ورازباەۆتىڭ «شىڭعىس حان»، ر.مۇقانوۆانىڭ «ماڭگىلىك بالا بەينە»، ءا.كەكىلباەۆتىڭ «ابىلاي حان»، ر.مۇقانوۆانىڭ «قارالى سۇلۋ»، ت.ب. سپەكتاكلدەردى قويدى.
ول — قازاقستاننىڭ ەڭبەك سىڭىرگەن ونەر قايراتكەرى. گەرمانيا مەن قازاقستان قارىم-قاتىناسىنىڭ دامۋىنا قوسقان ۇلەسى ءۇشىن گەتە مەدالىمەن ماراپاتتالعان.
رەجيسسەردىڭ وتباسىنا، تۋعان-تۋىستارىنا «ادىرنا» ۇلتتىق پورتالىنىڭ اتىنان كوڭىل ايتامىز.
"ادىرنا" ۇلتتىق پورتالى.
