Astanada Bolat Atabaev turaly “Myŋ jyldyq oiyn” derektı filmınıŋ premerasy öttı, dep habarlaidy “Adyrna” ūlttyq portaly ulysmedia.kz saityna sılteme jasap.
Filmnıŋ tūsaukeserıne teatr jastary, öner salasynda bılım alyp jatqan studentter, marqūmnyŋ tuystary, sondai-aq ziialy qauym ökılderı de keldı. Filmnıŋ avtory – jazuşy, jurnalist, dokumentalist Qanat Tıleuhan. Filmnıŋ aty – «Myŋ jyldyq oiyn». “2021 jyly Bolat Atabaevtyŋ 70 jyldyǧy edı. Soǧan orai tüsırse degen äuelde oi bolǧan. Bıraq onyŋ retı biyl keldı. Teatrdyŋ myŋ jyldyq oiyny älı jalǧasyp jatyr. Avtoritarlyq jüienıŋ, diktatorlyq bilıktıŋ sonau Rim imperiiasynan bergı imperatorlardyŋ halyqpen oinauyna da myŋ jyl. Osy myŋjyldyq oiyndardyŋ arasynda basyn tasqa da, tauǧa da soqqan rejisserdıŋ beinesın jasauǧa mümkındıgımızşe tyrystyq. Ärine, jaŋa Ermek Tūrsynov aitqandai Bolat aǧa eŋ bırınşı kezekte suretker. Būl teatrdyŋ qarsylyǧy, teatrdyŋ küresı. Öner arqyly ol kısı özınıŋ sözın aitqysy keldı. Erkındık, demokratiialyq qūndylyqtardy därıptegısı keldı”, – deidı film avtory Qanat Tıleuhan. Eske sala keteiık, Bolat Manaşūly Atabaev – rejisser, Qazaqstannyŋ eŋbek sıŋırgen öner qairatkerı. "Aqsarai" teatrynyŋ körkemdık jetekşısı. Rejisser Qazaq memlekettık akademiialyq drama teatrynyŋ sahnasynda B.Rimovanyŋ "Qos mūnlyq", M.Maqataevtyŋ "Qoş, mahabbat" (1991), İ.Orazbaevtyŋ "Şyŋǧys han" (1994), Q.Ysqaqtyŋ "Jan qimaq" (1995), R.Mūqanovanyŋ "Mäŋgılık bala beine" (1996), Ä.Kekılbaevtyŋ "Abylai han" (1998), A.Chehovtyŋ "Şaǧala" (1998), M.Meterlinktıŋ "Soqyrlar" (1993), B.Brehttıŋ "Toǧyşardŋ toiy" (1999); sonymen qatar R.Mūqanovanyŋ "Qaraly sūlu" (M.Äuezovtıŋ şyǧarmasy boiynşa) spektaklderın körermen nazaryna ūsynǧan.“Adyrna” ūlttyq portaly
Ūqsas jaŋalyqtar
