سۋ رەسۋرستارى جانە يرريگاتسيا مينيسترلىگى الداعى ءتورت جىلدا سۋ رەسۋرستارىن باسقارۋعا شامامەن 278 ميلليارد تەڭگە سۇراپ وتىر، دەپ حابارلايدى «ادىرنا» ۇلتتىق پورتالى قازتاگقا سىلتەمە جاساپ.
«بيۋدجەتتىك باعدارلاما بويىنشا شىعىستاردىڭ جالپى كولەمى (سۋ رەسۋرستارىن ءتيىمدى باسقارۋ):
2024 ج. – 68 101 057;
2025 – 101 285 086;
2026 – 80 283 479;
2027 – 28 038 045»، – دەلىنگەن 20 قاڭتاردا ۇسىنىلعان بيۋدجەتتىك باعدارلاما جوباسىندا.
سيپاتتاماعا سايكەس، «بيۋدجەتتىك باعدارلامانىڭ نەگىزگى شىعىستارى سۋمەن جابدىقتاۋ جۇيەسىن جانە سۋ شارۋاشىلىعى وبەكتىلەرىن دامىتۋعا، سۋ رەسۋرستارىن ۇتىمدى پايدالانۋدى قامتاماسىز ەتۋگە جانە سۋ قورىن قورعاۋعا باعىتتالعان».
«ماقسات: سۋ رەسۋرستارىن پايدالانۋ تيىمدىلىگىن ارتتىرۋ ارقىلى رەسۋرستارمەن قامتاماسىز ەتۋ دەڭگەيىن ارتتىرۋ»، - دەلىنگەن قۇجاتتا.
«ادىرنا» ۇلتتىق پورتالى
