Jyl saıyn elimizde memlekettik aqparattyq saıasatqa bólinetin mıllıardtaǵan qarjynyń qaıda ketetini belgisiz, dep habarlaıdy "Adyrna" tilshisi Orda.kz - ke siltep.
Orda.kz málimetinshe, «Habar» holdınginiń ókilderi týǵan aǵa-inileriniń fırmalarymen mıllıondaǵan qarjyǵa kelisimshart jasaǵany anyqtalyp, tipti sınopsıske saı kelmeıtin fılmder túsirgeni aıtylýda.
2019 jyl men 2021 jyldary memlekettik aqparattyq saıasatty oryndaýǵa memleket qarjysynan 153 mlrd teńge bólingen. Al onyń 12 mlrd teńgesi tıimsiz jumsalǵan bolyp shyqty. Al Qazaqstanda 3600-den astam BAQ tirkelse, bólingen qarajattyń 80%-y Aqparat mınıstrligine baǵynysty úsh uıymnyń qaltasyna túsken. Olar:
- «Qazaqstan» AQ — 69 mlrd teńge (42,4 %),
- «Habar» AQ — 51 mlrd teńge (31,4 %),
- «Qazteleradıo» — 9 mlrd teńge (5,6 %).
Burynǵy prezıdent Nursultan Nazarbaev týraly “Stroıtel nezavısımostı» / «Chelovek epoha: dalshe ı vyshe mechty” atty fılmdi túsirý kezinde de birneshe olqylyqtar anyqtalǵan. Bul tusta«Habar» AQ-men jasaǵan kelisimshartqa sáıkes fılmdi daıyndaýǵa bıýdjetten 40 mln teńge jumsalǵan. Onyń ishinde:
- 17,4 mln teńge — qalamaqyǵa;
- 3,2 mln teńge — jabdyqty jalǵa alýǵa;
- 11 mln tenge — óndiristik shyǵyndarǵa;
- 8,4 mln tenge — túsirilim tobynyń shet memleketterge issapar shyǵyndaryna (toǵyz adam)
Kóp qarjy bólingen fılmdi "Habardyń" ıýtýb arnasynda tek 6 myńǵa jýyq adam ǵana qaraǵan. Al fılm arhıv kadrlarynan jáne jeti qazaqstandyq qoǵam qaıratkeriniń pikirinen turady.
Esep komıtetiniń aýdıtorlarynyń esebi boıynsha 8,4 mln teńge qarjy QHR tóraǵasy Sı zınpın, RF prezıdenti Vladımır Pýtın, Túrkııanyń prezıdenti Erdoǵan, Ózbekstan prezıdenti Mırzııoev jáne taǵy basqalar sııaqty birqatar memleketterdiń basshylarymen suhbat jasaýǵa bólingeni aıtylǵan.
Fılm úshin túsirilgen suhbatta prezıdentter Qazaqstannyń basty jetistikteri jáne osy proestegi Nazarbaevtyń róli týraly baıandap bergenimen kadr fılmde joq.
Agenttik pen «Altyn-Bek» JK arasynda sot bolyp, nátıjesinde 8,4 mln teńge qarjyny jáne 252 000 teńge kólemindegi memlekettik baj tóleý shyǵyndaryn "Habarǵa" qaıtaryp bergen.
«Jaýap berýshi sotqa kórsetilgen qarajattyń maqsatty jumsalǵany týraly rastaıtyn qujattardy usynbaǵan. Jaýap berýshiniń pandemııaǵa baılanysty shekteýler engizilgeni týraly dálelderin sot kerisinshe dálel retinde qabyldaı almaıdy», – delingen Astana sotynyń sheshiminde.
