قالاعا كىرەبەرىستەگى سىنعان قۇبىر ءالى جوندەلگەن جوق. بۇل تۋرالى 24.kz جازدى.
سول ءتۇنى 6 اۋلا مەن ساۋدا قويماسىن سۋ باسقان. ۇيلەر قالاعا كىرە بەرىستە كوپىرگە جاقىن ورنالاسقان. سانتەحنيكا جوعارىدا بولعاندىقتان، قۇبىر جارىلعان كەزدە سۋ تومەن قاراي اققان.
"Zakon.kz"-ءتىڭ حابارلاۋىنشا، زارداپ شەككەن اۋماقتاردىڭ تۇرعىندارى تاڭعى ساعات 4:00 شاماسىندا سۋعا باتقان يتتەرىن قۇتقارۋعا اسىعادى. قازىر سىرتقا رەزەڭكە ەتىكسىز شىعۋعا بولمايدى دەيدى ولار. جەرتولەلەردە ساقتالعان تۇزدالعان قيار مەن كارتوپ تا سۋعا باتىپ، بوگىپ كەتكەن كورىنەدى
قاراشا ايىنان بەرى قالاداعى سۋ قۇبىرىندا وسىمەن ءۇشىنشى اپات تىركەلدى. قۇبىردىڭ بارلىعى سالىستىرمالى تۇردە جاڭا. مىسالى، اقاۋ بولعان جەردەگى قۇبىر 2009 جىلى اۋىستىرىلدى، بۇل وتە از ۋاقىت بولىپ سانالادى.
قىزىلجاردا بۇدان بۇرىن 1 جەلتوقسان كۇنى سۋ قۇبىرى جارىلعان ەدى. سونىڭ سالدارىنان كوشەلەردى سۋ باسىپ، جۇزدەگەن تۇرعىن سۋسىز قالدى. 15 كوپقاباتتى ءۇيدىڭ تۇرعىندارى مەن الەۋمەتتىك نىساندار زارداپ شەكتى. وسىعان بولا بارلىق قالا بويىنشا ورنالاسقان قۇبىرلارداعى قىسىمدى تومەندەتۋگە تۋرا كەلدى.
6 قاراشادا تولاستاماي جاۋعان قار سالدارىنان تاعى سۋ قۇبىرى بۇزىلدى. سالدارىنا 14 ۇيدەگى سۋ ۋاقىتشا ءوشىرىلىپ، سۋ قىسىمى ازايتىلعان بولاتىن.
"ادىرنا" ۇلتتىق پورتالى
