اتىراۋ وبلىسىندا ءمۇيىزى كەسىلگەن كيىكتەردىڭ ولەكسەسى تابىلدى، دەپ حابارلايدى "ادىرنا" ءتىلشىسى.
ماحامبەت وڭىرىنەن ءمۇيىزسىز 30-دان استام اقبوكەن تابىلعان. جانۋارلاردى قىرعان قىلمىسكەردىڭ كىم ەكەنى ءالى بەلگىسىز.
اتىراۋلىق تۇرعىندار بۇل جاعدايعا وبلىستىق ورمان شارۋاشىلىعى ينسپەكتسياسىنىڭ قىزمەتكەرلەرى مەن اڭشىلاردى كىنالايدى.
11 جەلتوقساندا حالىقارالىق تابيعاتتى قورعاۋ وداعى (IUCN) اقبوكەننىڭ (Saiga tatarica) حالىقارالىق قىزىل كىتاپتاعى «كريتيكالىق قاۋىپ تونگەن» ساناتىنان «قاۋىپ ءتونىپ تۇرعاندار» ساناتىنا كوشكەنىن جاريالاعان بولاتىن.
ەسكە سالايىق، كيىكتەردى قىرعاننان كەيىن "اتىراۋدا اقبوكەن ەتىنىڭ ءبىر كەلىسى 1500 تەڭگەگە ساۋدالانۋدا" دەگەن حابارلاما تاراعان بولاتىن.
