اتىراۋ قالاسىنىڭ بۇرىنعى اكىمى قايرات ورازباەۆ تەرگەۋ يزولياتورىنان ۇيقاماققا شىعارىلدى. بۇل تۋرالى وبلىستىق سوتتىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
2023 جىلعى 11 قاراشاداعى قاۋلى بويىنشا وعاە قاتىستى ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسى سانكتسيالاندى.
«اتىراۋ وبلىسى پروكۋرورىنىڭ ۇسىنىسى بويىنشا اتىراۋ قالاسىنىڭ مامانداندىرىلعان تەرگەۋ سوتىنىڭ 2023 جىلعى 22 جەلتوقسانداعى قاۋلىسىمەن ورازباەۆقا قاتىستى بۇلتارتپاۋ شاراسى دەنساۋلىق جاعدايىنا بايلانىستى ۇيقاماققا وزگەرتىلدى»،—دەلىنگەن حابارلامادا.
ەسكە سالا كەتسەك، اتىراۋ قالاسىنىڭ ەكس-اكىمى قايرات ورازباەۆ بىلتىر 9 قاراشادا قاماۋعا الىندى. بۇعان دەيىن پروكۋراتۋرا اتىراۋ اكىمدىگىنىڭ لاۋازىمدى تۇلعالارىنا قاتىستى قالاداعى جەر تەلىمدەرىن زاڭسىز ءبولۋ دەرەگى بويىنشا سوتالدى تەرگەۋ جۇرگىزىپ جاتقانى حابارلاعان ەدى.
