Atyraý qalasynyń burynǵy ákimi Qaırat Orazbaev tergeý ızolıatorynan úıqamaqqa shyǵaryldy. Bul týraly oblystyq sottyń baspasóz qyzmeti aıtty, dep habarlaıdy «Adyrna» tilshisi.
2023 jylǵy 11 qarashadaǵy qaýly boıynsha oǵae qatysty eki aı merzimge kúzetpen ustaý túrindegi bultartpaý sharasy sankııalandy.
«Atyraý oblysy prokýrorynyń usynysy boıynsha Atyraý qalasynyń mamandandyrylǵan tergeý sotynyń 2023 jylǵy 22 jeltoqsandaǵy qaýlysymen Orazbaevqa qatysty bultartpaý sharasy densaýlyq jaǵdaıyna baılanysty úıqamaqqa ózgertildi»,—delingen habarlamada.
Eske sala ketsek, Atyraý qalasynyń eks-ákimi Qaırat Orazbaev byltyr 9 qarashada qamaýǵa alyndy. Buǵan deıin prokýratýra Atyraý ákimdiginiń laýazymdy tulǵalaryna qatysty qaladaǵy jer telimderin zańsyz bólý deregi boıynsha sotaldy tergeý júrgizip jatqany habarlaǵan edi.
