الەۋمەتتىك جەلىدە ۇلىتاۋ وبلىسىندا «وحوتزووپروم" مەكەمەسىنىڭ قىزمەتكەرى بۋاز كيىكتەردى اتقانى تۋرالى اقپارات شىققان بولاتىن.
ۇكىمەتتىڭ وترىسىنان كەيىن ەكولوگيا جانە تابيعي رەسۋرستار ءمينيسترى ەرلان نىسانباەۆقا بۋاز كيىكتەردى اتۋ قانشالىقتى ورىندى دەگەن سۇراق قويىلدى.
ءمينيستردىڭ ايتۋىنشا، سوۆەت داۋىرىندە كيىكتىڭ سانى 1 ملن 900 مىڭ، 2 ملن ماڭايىندا بولسا، ال 2003 جىلى بار-جوعى 21 مىڭ كيىك قالعان. سونداي-اق ول ۇكىمەت تاراپىنان ءبىرشاما ءىس-شارالار جوسپارلانعاننان كەيىن كيىكتىڭ سانى 2,5 ملن جەتكەنىن ەسكەرتتى.
– ال بۋىز كيىكتەر بويىنشا مەن سىزدەرگە باسقاشا ايتايىن، ءبىز قىركۇيەكتەن جەلتوقسانعا دەيىن اڭ اتۋعا رۇقسات بەرەمىز. تامىز ايىندا قابان، قىركۇيەكتە ەلىك، بۇعى، تاۋەشكى كۇيلەيدى. جالپى اڭداردىڭ كوبى قىركۇيەك پەن قاراشا ايىنىڭ ورتاسىندا كۇيلەيدى. نەگىزى دۇنيەجۇزىندە جانۋار كۇيلەگەن كەزدە اڭشىلىق جاسايدى. سول سەبەپتى بۇگىن ءبىز بيولوگيالىق عىلىمي نەگىزدەمەنىڭ اياسىندا اڭشىلىق جاساپ جاتىرمىز. ءبىز اڭشىلىق جۇرگىزۋدى اقپاننىڭ 20-سىنان باستاپ توقتاتامىز. سوندىقتان دا تەك قانا كيىكتى بۋاز كۇيىندە اتىپ جاتىرمىز دەۋگە بولمايدى. ەندەشە بارلىق اڭشىلىقتى توقتاتايىق. سىزدەرگە ايتارىم، ءار نارسەنى دۇرىس ءتۇسىنۋ كەرەك. ەگەر قازاقستاندا كيىكتى بۋاز كەزىندە اتساق، وندا ول بولەك ماسەلە. وندايعا مەن دە بارماس ەدىم.
ەكىنشىدەن ايتارىم، ەلدە 2,5 ملن بۇعى بار. بۇل ءوزى وتە ءوسىمتال مال. وتكەن جىلدىڭ مامىر ايىندا دۇنيەگە كەلگەن لاعى سول جىلدىڭ جەلتوقسانىندا كۇيلەيدى. نە ءبارى 7 ايدا كۇيلەيدى. ەلدەگى 2,5 ملن كيىكتىڭ تەرىس اسەرىن ديحانشىلار كورىپ جاتىر. ال كەلەر جىلى نە بولادى؟ بيىل مامىر ايىندا 40 پايىز كيىك تولدەيدى، – دەدى مينيستر.
