اۋا رايىنىڭ قولايسىزدىعىنا بايلانىستى قازاقستاننىڭ 4 وبلىسىندا رەسپۋبليكالىق ماڭىزى بار اۆتوجولداردىڭ 10 ۋچاسكەسىندە كولىك قوزعالىسىنا شەكتەۋ ەنگىزىلدى، دەپ حابارلايدى "ادىرنا" ءتىلشىسى QazAvtoJol-عا سىلتەپ.
QazAvtoJol كومپانياسىنىڭ تاراتقان اقپاراتى بويىنشا، ەلىمىزدىڭ ءتورت وبلىسىندا كولىك قوزعالىسىنا شەكتەۋ ەنگىزىلگەن.
اقتوبە وبلىسىنىڭ 2 ۋچاسكەسىندە بۇرقاسىنعا بايلانىستى، ناقتىراق "اقتوبە-اتىراۋ-استراحان" 255-330 كم، قاراۋىلكەلدى اۋلىسى - اتىراۋ وبلىسىنىڭ شەكاراسى - 75 كم، "اقتوبە-اتىراۋ-استراحان" 185-255 كم، شۇباركۇدىق اۋىلى - قاراۋىلكەلدى اۋىلى – 70 كم جول جابىق.
ال جامبىل وبلىسىندا "الماتى-تاشكەنت-تەرمەز" 159-238 كم، كەنەن اۋىلى - قاينار اۋىلى - 79 كم جابىلعان. سەبەبى بۇل ايماقتا قار ارالاس جاڭبىر جاۋىپ، ەكپىندى جەل مەن تۇمان بولادى.
جەتىسۋ وبلىسىندا دا 1 ۋچاسكە جابىق. بۇل وڭىردە تۇمان بولىپ، شەكتەۋلى كورىنىس قوزعالىسقا كەدەرگى ەكەنى ايتىلادى.
ەلدىڭ باتىسىندا دا جەل مەن بۇرقاسىن بولىپ، اۋا رايى قولايسىز بولادى. باتىس قازاقستان وبلىسىندا 6 ۋچاسكە "ورال-تاسقالا-رف شەكاراسى" 4-104 كم، ورال قالاسى - رف شەكاراسى - 100 كم. "اتىراۋ-ورال" 375-492 كم، چاپاەۆو اۋىلى - ورال قالاسى - 117كم. "چاپاەۆو-جالپاقتال-كازتالوۆكا" 0-213 كم، چاپاەۆو اۋىلى - كازتالوۆكا اۋىلى – 213 كم. "كازتالوۆكا-جانىبەك-رف شەكاراسى" 0-158 كازتالوۆكا اۋىلى - جانىبەك اۋىلى – 158كم. "پودستەپنوە-فەدوروۆكا رف شەكاراسى 0-36 كم، پودستەپنوە اۋىلى - فەدوروۆكا اۋىلى – 36 كم. بۇل ايماقتا ەكپىندى جەل، بۇرقاسىن، شەكتەۋلى كورىنىس قوزعالىسقا كەدەرگى ەكەنى ايتىلعان.
بۇگىندە رەسپۋبليكالىق ماڭىزى بار اۆتوجولداردى قىسقى كۇتىپ-ۇستاۋعا 289 تەحنيكا جانە 460 جولشى جۇمىلدىرىلعان.
