قازاقستاننىڭ 9 وڭىرىندە ەسكەرتۋ جاريالاندى

627

24 قىركۇيەكتە قازاقستاننىڭ 9 وڭىرىندە اۋا رايىنا بايلانىستى ەسكەرتۋ جاريالاندى،-دەپ حابارلايدى "ادىرنا" ۇلتتىق پورتالى «قازگيدرومەت» رمك-گە سىلتەمە جاساپ.

24, 26 قىركۇيەكتە جامبىل وبلىسىندا كەي جەرلەردە سولتۇستىك-باتىستان سوعاتىن جەل سولتۇستىك-شىعىس جەلىنە اۋىسادى، كۇشى 15-20 م/س كۇتىلەدى.

سولتۇستىك قازاقستان وبلىسىنىڭ تۇندە باسىم بولىگىندە جاۋىن-شاشىن كۇتىلەدى. 24-25 قىركۇيەكتە تۇندە جانە تاڭەرتەڭ كەي جەرلەردە تۇمان تۇسەدى. Cولتۇستىك-باتىستان جەل سوعادى، كۇشى 15-20, ەكپىنى 23-28 م/س كۇتىلەدى. 25 قىركۇيەكتە جەلدىڭ كۇشى كەي جەرلەردە 15-20, ەكپىنى 25 م/س كۇتىلەدى.

قاراعاندى وبلىسىندا كەي جەرلەردە تۇمان كۇتىلەدى. سولتۇستىك-باتىستان، باتىستان جەل سوعادى، كەي جەرلەرىندە 15-20, ەكپىنى 23-28 م/س كۇتىلەدى. 24 قىركۇيەكتە تۇندە وبلىستىڭ شىعىسىندا توپىراق بەتىندە 1-3 گرادۋس ۇسىك كۇتىلەدى.

اقمولا وبلىسىندا كەي جەرلەردە جاۋىن-شاشىن (جاڭبىر، جىلبىسقى قار), تۇمان كۇتىلەدى. باتىستان، سولتۇستىك-باتىستان جەل سوعادى، كۇشى 15-20, كەي جەرلەردە 23-28 م/س.

شىعىس قازاقستان وبلىسىنىڭ كەي جەرلەرىندە قاتتى جاڭبىر كۇتىلەدى. شىعىستا تاۋلى ايماقتارىندا جاۋىن-شاشىن، كەي ۋاقىتتا قاتتى (جاڭبىر، سۋلى قار) كۇتىلەدى. كەي جەرلەردە تۇمان كۇتىلەدى. وڭتۇستىك-باتىستان سوققان جەل سولتۇستىك-باتىسقا اۋىسىپ، كەي جەرلەردە 15-20, ەكپىنى 23-28 م/س كۇتىلەدى.

قوستاناي وبلىسىنىڭ كەي جەرلەرىندە تۇمان كۇتىلەدى. سولتۇستىك-باتىستان جەل سوعادى، كۇشى كەي جەرلەردە 15-20, كۇندىز ەكپىنى 23 م/س جەتەدى.

قىزىلوردا وبلىسىندا توتەنشە ءورت قاۋپى باسىم.

الماتى وبلىسىندا سولتۇستىك-شىعىستان جەل سوعادى، كەي جەرلەردە كۇشى 15-20 م/س. كۇندىز وبلىستىڭ سولتۇستىگىندە نايزاعاي كۇتىلەدى.

نۇر-سۇلتان قالاسىندا ەرتەڭ جاۋىن-شاشىن كۇتىلەدى. باتىستان، سولتۇستىك-باتىستان جەل سوعادى، ەكپىنى 15-20 م/س جەتەدى.

"ادىرنا" ۇلتتىق پورتالى 

پىكىرلەر
ۇقساس جاڭالىقتار