Coursera باس ديرەكتورى دجەفف مادجونكالدا Coursera ءبىلىم بەرۋ پلاتفورماسىنداعى قازاقستاننىڭ جەتىستىكتەرىنە توقتالدى. بۇل تۋرالى ول دۇنيەجۇزىلىك ەكونوميكالىق فورۋمدا ايتتى، دەپ حابارلايدى “ادىرنا” ۇلتتىق پورتالى.
داۆوستا دۇنيەجۇزىلىك ەكونوميكالىق فورۋمنىڭ 54-ءشى جىل سايىنعى وتىرىسى وتۋدە. ءىس-شاراعا 60-تان استام مەملەكەت جانە ۇكىمەت باسشىلارى، 300-گە جۋىق مينيسترلەر جانە باسقا دا ساياسي كوشباسشىلار قاتىسۋدا.
«The Race to Reskill» تالقىلاۋىندا گەنەراتيۆتى جاساندى ينتەللەكتتىڭ اسەرى، جۇمىس ورىندارىنا تسيفرلىق ترانسفورماتسيا، ادامدار مەن مەكەمەلەردىڭ قازىرگى ەكونوميكادا وركەندەۋى ءۇشىن قاجەت داعدىلار سياقتى تاقىرىپتار تالقىلاندى.
ءوز سوزىندە Coursera باس ديرەكتورى قازاقستان تۋرالى ۇكىمەت پەن بيزنەس اراسىنداعى ينستيتۋتسيونالدىق ىنتىماقتاستىقتىڭ تابىستى ۇلگىسى رەتىندە ايتىپ، قر عىلىم جانە جوعارى ءبىلىم مينيسترلىگىمەن ارىپتەستىكتىڭ جەتىستىكتەرىمەن ءبولىستى.
«ءبىز قازاقستان مەن قر عىلىم جانە جوعارى ءبىلىم مينيسترلىگىمەن جۇمىس ىستەۋ بارىسىندا ۇكىمەت پەن بيزنەستىڭ، ۇكىمەت پەن جوعارى وقۋ ورىندارىنىڭ اراسىنداعى ىنتىماقتاستىقتى كورىپ وتىرمىز. ۇكىمەت نەسيە بەرۋ جۇيەسىنە قارسى ەمەس، ءىس جۇزىندە 25 ءتۇرلى مەملەكەتتىك جانە جەكە ءبىلىم بەرۋ باعدارلامالارىنا 1000 ليتسەنزيا بەرە وتىرىپ، سالالىق ليتسەنزيالىق سەرتيفيكاتتارعا سۋبسيديا ءبولۋ ارقىلى دەمەۋشىلىك جاسايدى. وسىلايشا، ۋنيۆەرسيتەتتەر ستۋدەنتتەرگە قول جەتىمدى وقۋ باعدارلامالارىنا وزگەرىستەر ەنگىزە الاتىن مۇمكىندىكتەردى كورۋى ماقساتىندا قارجىلىق كەدەرگىگە تاپ بولماس ءۇشىن باعدارلامانى پيلوتتىق ىسكە قوسۋعا دەمەۋشىلىك جاسالادى", - دەپ اتاپ ءوتتى د.مادجونكالدا.
قازىر 25 وڭىرلىك جوعارى وقۋ ورىندارىنىڭ 47 248 ستۋدەنتى Coursera پلاتفورماسىندا 70 112 كۋرستان ءوتىپ، سەرتيفيكاتتار الدى. اتاپ ايتقاندا، 27 مىڭ كۋرس قازاق تىلىندە، 2600 كۋرس اعىلشىن تىلىندە، 1300-گە جۋىق كۋرس ورىس تىلىندە ءوتتى. تاڭدالعان كۋرستار IT, كاسىپكەرلىك، فيزيكا جانە بيزنەس سالالارىن قامتيدى. بۇگىنگى تاڭدا Coursera-نىڭ 4000-نان استام ۇزدىك كۋرسى قازاق تىلىنە اۋدارىلدى.
ەستەرىڭىزگە سالا كەتەيىك، 2022 جىلدىڭ قىركۇيەگىندە ىنتىماقتاستىقتى دامىتۋ جانە قازاقستاندىق ازاماتتاردىڭ جەتەكشى شەتەلدىك پروفەسسورلاردىڭ كۋرستارىنا قولجەتىمدىلىگىن كەڭەيتۋ ماقساتىندا قر عىلىم جانە جوعارى ءبىلىم مينيسترلىگى، قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جانە Coursera كومپانياسى اراسىندا ءوزارا تۇسىنىستىك تۋرالى مەموراندۋمعا قول قويىلدى.
