دەنيەل روزەنبليۋم اقش-تىڭ قازاقستانداعى ەلشىسى بولىپ تاعايىندالدى. بۇل تۋرالى اقش ەلشىلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
دەنيەل ن.روزەنبليۋمنىڭ كانديداتۋراسىن امەريكا قۇراما شتاتتارىنىڭ سەناتى بەكىتتى.
"ەلشى روزەنبليۋمدى قۇتتىقتايمىز! ءبىز سىزبەن وسىندا كەزدەسۋدى اسىعا كۇتەمىز", - دەلىنگەن حابارلامادا.
روزەنبليۋم 2019 جىلدان بەرى اقش-تىڭ وزبەكستانداعى ەلشىسى قىزمەتىن اتقارىپ كەلدى. بۇعان دەيىن قازاقستانداعى ديپلوماتيالىق وكىلدىكتىڭ باسشىسى قىزمەتىن دجۋدي كۋو ۋاقىتشا اتقارعان بولاتىن.
”ادىرنا” ۇلتتىق پورتالى
