قالا اكىمى رادياتسيالىق مەديتسينا جانە ەكولوگيا عزي ۇجىمىنا جاڭا باسشىنى تانىستىردى

147

سەمەي قالاسىنىڭ اكىمى ەرماك ءسالىموۆ رادياتسيالىق مەديتسينا جانە ەكولوگيا عىلىمي-زەرتتەۋ ينستيتۋتىنىڭ(عزي) ۇجىمىنا جاڭا باسشىنى تانىستىردى. باسشىلىق قىزمەىتىنە عزي ورىنباسارى بولعان تالعات مولداعاليەۆ تاعايىندالدى.
- عىلىمي-زەرتتەۋ ينستيتۋىندا جاڭا مۇمكىندىكتەر پايدا بولدى، - دەدى ەرماك بيداحمەتۇلى. - ينستيتۋتتا ۇلكەن تاجىريبە جيناقتاعان كاسىبي ۇجىم بار. وسى بىلىكتى ماماندار عىلىمي مەكەمەنى ودان ءارى دامىتۋعا بار كۇش جىگەرىن سالاتىن بولادى.
قوعامدىق كەڭەستىڭ سوڭعى وتىرىسىندا مەديتسينا ۋنيۆەرسيتەتىنىڭ رەكتورى ەرسىن ءجۇنىسوۆ 2018 جىلدىڭ سوڭىندا قر ۇكىمەتىنىڭ قاۋلىسىمەن "رادياتسيالىق مەديتسينا جانە ەكولوگيا عزي" مەديتسينا ۋنيۆەرسيتەتىمەن قايتا قۇرىلعانىن حابارلادى.
ە. ءجۇنىسوۆتىڭ ايتۋىنشا، ينستيتۋتتىڭ 2023 جىلعا دەيىنگى دامۋ جوسپارى دايىندالدى. وسى باعدارلاما شەڭبەرىندە عزي ماتەريالدىق-تەحنيكالىق بازاسىن جاقسارتۋ، مەديتسينالىق قىزمەتكەرلەردىڭ بىلىكتىلىگىن ارتتىرۋ، قازىرگى زامانعى جابدىقتاردى ساتىپ الۋ، عيماراتتاردى اباتتاندىرۋ جانە كۇردەلى جوندەۋ جوسپارلانۋدا.
-2019-2023 جىلدارى عزي ماتەريالدىق - تەحنيكالىق جابدىقتالۋىن جاقسارتۋ ءۇشىن ينۆەستيتسيا جولىمەن 1 ملرد.تەڭگەگە دەيىن بولىنەدى، - دەدى ۋنيۆەرسيتەت رەكتورى. - عىلىمي قىزمەتكەرلەردىڭ، دارىگەرلىك جانە مەديتسينالىق قىزمەتكەرلەردىڭ ەڭبەكاقىسىن 2019 جىلدىڭ 1 ماۋسىمىنان باستاپ 30 پايىزعا كوتەرۋ جوسپاردا بار.
الداعى جىلدارى رادياتسيالىق مەديتسينا جانە ەكولوگيا عىلىمي-زەرتتەۋ ينستيتۋتى قىزمەتىن جوعارى دەڭگەيىگە شىعاراتىن وڭ وزگەرىستەر كۇتىلۋدە .

 

"ادىرنا" ۇلتتىق پورتالى

پىكىرلەر