ەلىمىزدە بۇلدىرشىندەردى 2 جاستان باستاپ بالاباقشامەن قامتۋ مىندەتى بەكىتىلدى. بۇل تۋرالى وقۋ-اعارتۋ ءمينيسترى اسحات ايماعامبەتوۆ ايتتى، دەپ حابارلايدى «ادىرنا» ءتىلشىسى.
«2 جاستان 6 جاسقا دەيىنگى بالالار مەكتەپكە دەيىنگى ساپالى تاربيەمەن جانە وقىتۋمەن قامتاماسىز ەتىلەدى.
ەگەر بۇعان دەيىن باستى نازار 3-6 جاسقا دەيىنگى بالالاردى قامتۋ بولسا، ەندى 2 جاستان باستاپ بالاباقشامەن قامتۋ مىندەتى بەكىتىلدى.
بۇل باعىتتا مەكتەپكە دەيىنگى ۇيىمداردى اشۋ، ونىڭ ىشىندە اسىرەسە جەكەمەنشىك بالاباقشالارعا مەملەكەتتىك تاپسىرىستى ورنالاستىرۋ بويىنشا جۇمىس ۇيىمداستىرىلادى»،—دەدى ول.
ايتۋىنشا، قابىلدانعان شارالاردىڭ ناتيجەسىندە 2029 جىلدىڭ سوڭىنا دەيىن 2-6 جاس ارالىعىنداعى بالالار مەكتەپكە دەيىنگى تاربيەمەن جانە وقىتۋمەن 100% قامتىلادى.
