الماتى اۋەجايىندا جالعان تولقۇجاتپەن ءۇش شەتەلدىك ۇستالدى، دەپ حابارلايدى “ادىرنا” ۇلتتىق پورتالى ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتىنە سىلتەپ.
«15-16 قاڭتاردا الماتى حالىقارالىق اۋەجايىندا شەكارالىق باقىلاۋ كەزىندە جالعان قۇجاتپەن كەلگەن فرانتسيا مەن گرەكيادان كەلگەن ءۇش شەتەلدىك ۇستالدى»، - دەلىنگەن حابارلامادا.
قۇجاتتاردىڭ جارامسىزدىعى ارنايى تەحنيكامەن تەكسەرىلدى. جالعان تولقۇجاتتار تاركىلەندى. ەكى تۇلعاعا قاتىستى سوتقا دەيىنگى تەرگەۋ باستالدى، ءبىر شەتەل ازاماتى ەلدەن قۋىلدى.
ۇلتتىق قاۋىپسىزدىك كوميتەتىنىڭ مالىمەتىنشە، جىل باسىنان بەرى مەملەكەتتىك شەكارا ارقىلى وتكىزۋ پۋنكتتەرىندەگى شەكاراشىلار جارامسىز جانە شەتەلدىك تولقۇجاتتاردى پايدالانۋدىڭ 18 فاكتىسىن توقتاتقان.
