تۇركيانىڭ پروفەسسورى، ينفەكتسيونيست ەسين داۆۋتوگلۋ شەنول ەلدىڭ تۋريستتىك ايماقتارىندا كوروناۆيرۋستىڭ اسقىنىپ، جۇقتىرعان ادامداردىڭ سانى ارتىپ كەتكەنىن ايتىپ، ۇكىمەتكە ۇندەۋ جولدادى.
قازىر تۋريستتىك ورىنداردا ۆاكتسيناتسيالاۋ جۇمىستارى قولعا الىنعان. ارنايى شەكتەۋلەر دە ىسكە اسىپ جاتىر. كۋرورتتىق ورىندارداعى كوروناۆيرۋستى جۇقتىرعانداردىڭ اراسىندا رەسەيلىكتەر كوش باستاپ تۇر. سوعان بايلانىستى رەسەي وكىمەتى دە تۇركياعا باراتىن تۋريستتەردى توقتاتۋدى قولعا الدى.
قازىردىڭ وزىندە رەسەيلىك تۋريستتەرگە تۇركيانىڭ دەمالىس ورىندارىنا بارۋعا تىيىم سالىپ جاتىر. ال، تۇركيا تاراپى دا رەسەيلىكتەردىڭ كەلۋىنە شەكتەۋ قويدى. سەبەبى، كوروناۆيرۋس جۇقتىرعان تۋريستتەردىڭ اسا كوپ بولىگى رەسەيدەن كەلىپ جاتىر دەگەن جورامالدار راستالۋدا.
قازىر انتالياداعى كۋرورتتىق ورىندار "قىزىق ايماققا" ءوتتى. وندا ۆيرۋس جۇقتىرعانداردىڭ سانى وتە جوعارى. قازىرگى مالىمەتتەرگە قاراعاندا تۋركيانىڭ پروۆينتسيالارىنداعى ۆيرۋس جۇقتىرۋ كورسەتكىشى 80 پايىزعا جەتىپ، كريتيكالىق شەكتە تۇر. ەل وكىمەتى ۆيرۋسپەن كۇرەس جۇرگىزۋ ءۇشىن ارنايى شارالار قابىلداپ جاتىر.
بەكبولات قارجان،
"ادىرنا" ۇلتتىق پورتالى
