قارجى مونيتورينگى اگەنتتىگى (قما) اقشانى جىلىستاتۋمەن جانە باسقا دا بىرقاتار قىلمىسپەن كۇرەسۋ ءۇشىن ءتورت جىلعا 68,3 ملرد تەڭگە سۇراپ وتىر، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ.
«بيۋدجەتتىك باعدارلاما («كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىلدى قامتاماسىز ەتۋ جونىندەگى قىزمەتتەر، ەكونوميكالىق جانە قارجىلىق قۇقىق بۇزۋشىلىقتارعا قارسى ءىس-قيمىل») بويىنشا جالپى شىعىستار : 2023 – 18 906 061; 2024 – 16 256 930; 2025 – 16 579 538; 2026 – 16 626 677»، – دەلىنگەن بيۋدجەتتىك باعدارلاما جوباسىندا.
سيپاتتاماعا سايكەس، شىعىستار كىرىستەردى زاڭداستىرۋعا قارسى ءىس-قيمىلدى جانە كىرىستەردى زاڭداستىرۋعا قارسى ءىس-قيمىلدى قامتاماسىز ەتۋ بويىنشا ستراتەگيالىق ماقساتتارعا قول جەتكىزۋ ءۇشىن قازاقستان رەسپۋبليكاسى قما، ولاردىڭ اۋماقتىق ورگاندارىنىڭ، تەحنيكالىق قىزمەت كورسەتۋدى جۇزەگە اسىراتىن قىزمەتكەرلەرىنىڭ قىزمەتىن قولداۋعا باعىتتالعان.
«ماقسات: كىرىستەردى زاڭداستىرۋعا جانە تەرروريزمدى قارجىلاندىرۋعا، ەكونوميكالىق جانە قارجىلىق قۇقىق بۇزۋشىلىقتارعا قارسى ءىس-قيمىلدى قامتاماسىز ەتۋ بويىنشا كورسەتىلەتىن قىزمەتتەردىڭ ساپاسىن ارتتىرۋ»، - دەلىنگەن قۇجاتتا.
