Qarjy monıtorıngi agenttigi (QMA) aqshany jylystatýmen jáne basqa da birqatar qylmyspen kúresý úshin tórt jylǵa 68,3 mlrd teńge surap otyr, dep habarlaıdy “Adyrna” ulttyq portaly QazAqparatqa siltep.
«Bıýdjettik baǵdarlama («Kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyldy qamtamasyz etý jónindegi qyzmetter, ekonomıkalyq jáne qarjylyq quqyq buzýshylyqtarǵa qarsy is-qımyl») boıynsha jalpy shyǵystar : 2023 – 18 906 061; 2024 – 16 256 930; 2025 – 16 579 538; 2026 – 16 626 677», – delingen bıýdjettik baǵdarlama jobasynda.
Sıpattamaǵa sáıkes, shyǵystar kiristerdi zańdastyrýǵa qarsy is-qımyldy jáne kiristerdi zańdastyrýǵa qarsy is-qımyldy qamtamasyz etý boıynsha strategııalyq maqsattarǵa qol jetkizý úshin Qazaqstan Respýblıkasy QMA, olardyń aýmaqtyq organdarynyń, tehnıkalyq qyzmet kórsetýdi júzege asyratyn qyzmetkerleriniń qyzmetin qoldaýǵa baǵyttalǵan.
«Maqsat: kiristerdi zańdastyrýǵa jáne terrorızmdi qarjylandyrýǵa, ekonomıkalyq jáne qarjylyq quqyq buzýshylyqtarǵa qarsy is-qımyldy qamtamasyz etý boıynsha kórsetiletin qyzmetterdiń sapasyn arttyrý», - delingen qujatta.
