ينتەرنەت جارنامانىڭ تابىسى تەلەۆيزيانى قۋىپ جەتتى. بۇل تۋرالى جۋرناليست ەركە جۇماتاي Facebook پاراقشاسىنا جاريالادى، دەپ حابارلايدى “ادىرنا” ۇلتتىق پورتالى.
ايتۋىنشا، وتكەن جىلى قازاقستاندا جارناما نارىعى 56,5 ملرد. تەڭگە پايدا تاپتى. بۇل كورسەتكىش 2021 جىلمەن سالىستىرعاندا 6,5%-عا وسكەن.
“اسىرەسە، ينتەرنەت جارناما سەگمەنتى 19%-عا ءوسىپ، (23,2 ملرد. تەڭگە) تۆ-نى قۋىپ جەتتى. بۇل دەگەنىمىز ەندى جارناما بەرۋشىلەر ءداستۇرلى مەديانى ەمەس، الەۋمەتتىك جەلىنى تاڭدايدى دەگەن ءسوز.
الداعى ۋاقىتتا تۆ، گازەت، راديو التەرناتيۆ نۇسقا ۇسىنباسا، قازىرگى قولىندا بارىنان دا ايىرىلىپ قالۋى مۇمكىن. الەمدىك ءىرى الپاۋىت مەديا كورپوراتسيالاردىڭ باسىنا تۇسكەن پروبلەما بۇل. ولار قالاي كۇرەسىپ جاتىر، ول تۋرالى تولىعىراق كەيىنىرەك جازامىن.
قىزىق، BBC سياقتى الپاۋىتتار قاراجات تابۋدىڭ ءتۇرلى تەتىگىن مەڭگەرگەن. ولار ءار جارناما بەرۋشى ءۇشىن كۇرەسەدى، ءتيىمدى كونتەنت ۇسىنادى. تاۋەكەلگە بارۋعا قورىقپايدى. بىزدە گوسزاكاز امان بولسىن..
وكىنىشكە وراي، Media development بىزدە مەملەكەتتىڭ بيۋدجەتىمەن شەكتەلەدى. ال باق- قا اقشا تاۋىپ بەرىپ، ونىڭ "اۋزى- مۇرتىن مايلايتىن ماركەتينگ مامانداردىڭ بار جۇمىسى جىل باسىندا گوسزاكازدىڭ سايتىن اڭدۋ عانا”، - دەپ جازدى جۋرناليست.
