فۋتبول الەمى. قازاقستاندىق سپورتشىلاردىڭ قۇنى قانشا؟

سپورت سالاسىندا ەلىمىزدىڭ سپورتشىلارى جاقسى ناتيجە كورسەتىپ، ءوز باعاسى كوتەردى، دەپ حابارلايدى "ادىرنا" ءتىلشىسى mangystaumedia.kz-كە سىلتەمە جاساپ. ەۋرو-2024 ىرىكتەۋ ويىندارىندا ءساتتى ونەر كورسەتكەن ۇلتتىق قۇرامانىڭ فۋتبولشىلارى ءوز باعاسىن وزگەرتۋگە مۇمكىندىك العان. پرەزيدەنتتىڭ قولىن العان «زەنيت» قۇراماسىنىڭ قورعاۋشىسى نۇرالى ءالىپتىڭ باعاسى 2 ميلليون ەۋرودان 3 ميلليون ەۋروعا كوتەرىلگەن. ۇلتتىق قۇرامانىڭ بىرنەشە ماۋسىمداعى ەڭ قىمبات ويىنشىسى بولعان  باحتيور زاينۋتدينوۆ ماۋسىمدى 5 ميلليون ەۋرومەن باستاپ، 6 ميلليون ەۋرومەن اياقتادى. باعاسى بويىنشا ۇزدىك 11 قازاقستاندىق ويىنشىلار ءتىزىمى دە بەلگىلى بولعان. ولار: قازىر تۇركيانىڭ بەشيكتاش قۇراماسىندا وينايتىن باحتيور زاينۋتدينوۆ ەۋرو-2024 ىرىكتەۋ كەزەڭىنىڭ باسىندا 5 ميلليون ەۋرو، ال ىرىكتەۋ سوڭىندا – 6 ميلليون ەۋرو الادى. ال نۇرالى ءالىپ – 1,2 ملن ەۋرو – 3 ملن ەۋرو باعالانعان. الەكساندر زۋەۆ – 1 ملن ەۋرو – 900 مىڭ ەۋرو السا، "اقتوبە" كومانداسىنىڭ سپورتشىسى  ماكسيم سامورودوۆ – 450 مىڭ ەۋرو – 900 مىڭ ەۋرو تەڭگەگە باعالانعان. ال ورداباسىلىق اسحات تاعىبەرگەن – 750 مىڭ ەۋرو – 900 مىڭ ەۋرو; ابات ايىمبەتوۆ (استانا) – 800 مىڭ ەۋرو; شىمكەنتتىك فۋتبول كومانداسىنىڭ فۋتبولشىسى تەمىرلان ەرلانوۆ – 600 مىڭ ەۋرو – 700 مىڭ ەۋرو الادى.  سەرگەي مالىي (ورداباسى) – 750 مىڭ ەۋرو – 600 مىڭ ەۋرو; الىبەك قاسىم (اقتوبە) – 550 مىڭ ەۋرو – 600 مىڭ ەۋروعا باعالانعان. مارات بىستروۆ (احمات، رەسەي) – 1 ميلليون ەۋرو – 700 مىڭ ەۋرو; يگور شاتسكي («شاحتەر») – 600 مىڭ ەۋرو (وزگەرىسسىز).