قازاقستان ۇلتتىق قۇراماسى ازيا چەمپيوناتىندا تاعى ەكى جولداماعا يە بولدى، دەپ حابارلايدى "ادىرنا" ءتىلشىسى تۋريزم جانە سپورت مينيسترلىگىنە سىلتەپ.
يندونەزيانىڭ دجاكارتا قالاسىندا ءوتىپ جاتقان ليتسەنزيالىق ازيا چەمپيوناتىندا قازاقستان ۇلتتىق قۇراماسى نىسانا كوزدەۋ بويىنشا تاعى ەكى جولداماعا قول جەتكىزدى.
ۇلتتىق قۇرامانىڭ سپورتشىسى الەكساندرا لە 50 مەترلىك قاشىقتىقتان نىساناعا ۆينتوۆكامەن اتۋ سايىسىندا 7-ءشى ورىن الىپ، پاريجدەگى وليمپياداعا قاتىسۋ مۇمكىندىگىنە يە بولدى.
ال 25 مەتردەن جىلدام اتىلاتىن تاپانشامەن سىنعا تۇسكەن نيكيتا چيريۋكين ىرىكتەۋ كەزەڭىندە جاقسى ونەر كورسەتتى. ول سايىستا 584 ۇپاي جيناپ، فينالعا ءوتتى. وسىلايشا ول پاريج وليمپياداسىنىڭ ليتسەنزياسىن يەلەنگەن سپورتشىلار قاتارىن تولىقتىرىپ وتىر.
نىسانا كوزدەۋدەن ەل قورجىنىندا پاريج وليمپياداسىنىڭ بەس جولداماسى بار. اتالمىش جارىس 26 شىلدە مەن 11 تامىز ارالىعىندا وتەدى.
