Qazaqstan ulttyq quramasy Azııa chempıonatynda taǵy eki joldamaǵa ıe boldy, dep habarlaıdy "Adyrna" tilshisi Týrızm jáne sport mınıstrligine siltep.
Indonezııanyń Djakarta qalasynda ótip jatqan lıenzııalyq Azııa chempıonatynda Qazaqstan ulttyq quramasy nysana kózdeý boıynsha taǵy eki joldamaǵa qol jetkizdi.
Ulttyq quramanyń sportshysy Aleksandra Le 50 metrlik qashyqtyqtan nysanaǵa vıntovkamen atý saıysynda 7-shi oryn alyp, Parıjdegi Olımpıadaǵa qatysý múmkindigine ıe boldy.
Al 25 metrden jyldam atylatyn tapanshamen synǵa túsken Nıkıta Chırıýkın irikteý kezeńinde jaqsy óner kórsetti. Ol saıysta 584 upaı jınap, fınalǵa ótti. Osylaısha ol Parıj Olımpıadasynyń lıenzııasyn ıelengen sportshylar qataryn tolyqtyryp otyr.
Nysana kózdeýden el qorjynynda Parıj Olımpıadasynyń bes joldamasy bar. Atalmysh jarys 26 shilde men 11 tamyz aralyǵynda ótedi.
