Qazaqstan ūlttyq qūramasy Aziia chempionatynda taǧy ekı joldamaǧa ie boldy, dep habarlaidy "Adyrna" tılşısı Turizm jäne sport ministrlıgıne sıltep.
İndoneziianyŋ Djakarta qalasynda ötıp jatqan lisenziialyq Aziia chempionatynda Qazaqstan ūlttyq qūramasy nysana közdeu boiynşa taǧy ekı joldamaǧa qol jetkızdı.
Ūlttyq qūramanyŋ sportşysy Aleksandra Le 50 metrlık qaşyqtyqtan nysanaǧa vintovkamen atu saiysynda 7-şı oryn alyp, Parijdegı Olimpiadaǧa qatysu mümkındıgıne ie boldy.
Al 25 metrden jyldam atylatyn tapanşamen synǧa tüsken Nikita Chiriukin ırıkteu kezeŋınde jaqsy öner körsettı. Ol saiysta 584 ūpai jinap, finalǧa öttı. Osylaişa ol Parij Olimpiadasynyŋ lisenziiasyn ielengen sportşylar qataryn tolyqtyryp otyr.
Nysana közdeuden el qorjynynda Parij Olimpiadasynyŋ bes joldamasy bar. Atalmyş jarys 26 şılde men 11 tamyz aralyǧynda ötedı.
Ūqsas jaŋalyqtar
