قازاقستاندىق بوكسشى سابىرجان اققالىقوۆ ۇلان-باتىردا (موڭعوليا) ءوتىپ جاتقان ازيا چەمپيوناتىندا جەڭىمپاز اتاندى، دەپ حابارلايدى "ادىرنا".
وتانداسىمىز 75 كەلىگە دەيىنگى سالماقتىڭ اقتىق سىنىندا وزبەكستاندىق جاۆوحير ابدۋراحيموۆپەن قولعاپ ءتۇيىستىردى.
ءبىرىنشى ۇشمينۋتتىقتا سابىرجان 4:1 ەسەبىمەن باسىم ءتۇستى. ەكىنشى جانە ءۇشىنشى راۋندتا دا باسىمدىعىن ساقتاپ قالعان قازاقستاندىق بوكسشى تورەشىلەردىڭ شەشىمىمەن 5:0 ەسەبىمەن جەڭىسكە جەتتى.
ايتا كەتەيىك، بۇعان دەيىن ورازبەك اسىلقۇلوۆ (60 كەلىگە دەيىن) التىن السا، تورەحان سابىرحان (70 كەلىگە دەيىن) كۇمىستەن القا تاقتى.
ۇقساس جاڭالىقتار
