جەتىسۋ پوليتسەيلەرى وبلىستىق ۇقكد قىزمەتكەرلەرىمەن بىرلەسىپ، پروكۋراتۋرانىڭ ۇيلەستىرۋىمەن تالدىقورعاننىڭ 33 جاستاعى تۇرعىنىن ۇستادى، دەپ حابارلايدى «ادىرنا» ءتىلشىسى polisia.kz-كە سىلتەمە جاساپ.
«ۇستالعان ادامعا تيەسىلى اۆتوكولىكتىڭ جۇكسالعىشىندا وسىمدىك تەكتەس زات سالىنعان پاكەت تابىلىپ، تاركىلەندى. ەر ادامنىڭ دەسترۋكتيۆتى ءدىني اعىمنىڭ جاقتاۋشىسى ەكەنى بەلگىلى. قازىر ەسىرتكىنى زاڭسىز ساقتاۋ جانە وتكىزۋ فاكتىسى بويىنشا قىلمىستىق ءىس قوزعالدى»،— دەپ ءتۇسىندىردى وبلىستىق پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى.
جۇرگىزىلگەن ساراپتاما تاركىلەنگەن زاتتىڭ سالماعى 2 كگ 722 گرامم ماريحۋانا ەكەنىن كورسەتتى.
