ۇلتتىق كينونى قولداۋ مەملەكەتتىك ورتالىعىنىڭ باسشىسى قۇرمانبەك جۇماعالي ورتالىق قىزمەتكەرلەرىنە نە سەبەپتى سىياقى بەرىلگەنىن ءتۇسىندىردى، دەپ حابارلايدى «ادىرنا» ءتىلشىسى.
ول ەشقانداي زاڭ بۇزۋشىلىقتىڭ جوق ەكەنىن اتاپ ءوتتى.
«جىل سوڭىندا قىزمەتكەرلەر العاش رەت پرەميا الدى. سىياقى 2-3 ايلىق مولشەرىندە بەرىلدى. راس. ءيا، ورتالىقتا ىستەيتىن قىزمەتكەرلەردىڭ بارلىعى دەرلىك پرەميا الدى. ءارى سول سىياقىعا ارقايسىسى لايىق دەپ ايتا الامىن. بۇل جەردە ەشقانداي زاڭ بۇزۋشىلىق جوق. باسشى رەتىندە جاۋاپكەرشىلىك مەنىڭ موينىمدا. مەن قايتا ارىپتەستەرىمنىڭ جاڭا جىل قارساڭىندا وسىنداي مۇمكىندىككە يە بولعانىنا ريزامىن. سەبەبى جاقىندارىن جانە ءوزىن قۋانتىپ، باسقا دا قاجەتتىلىكتەرىنە جۇمساي الدى. ادال ەڭبەك ەتتى»،—دەدى قۇرمانبەك جۇماعالي.
بۇدان بولەك باسشى ايلىق ماسەلەسىنە توقتالدى.
«ۇلتتىق كينونى قولداۋ ورتالىعىندا ورتاشا جالاقى شامامەن 350 مىڭ تەڭگە. قازىر بىزدە 10-نان استام ۆاكانسيا بار. كەلىپ، جۇمىس ىستەيمىن دەيتىندەر بار بولسا، ءبىلىمى مەن تاجىريبەسى، ىنتاسى مول ازاماتتارعا ەسىگىمىز اشىق. كونكۋرستان ءوتىپ، جۇمىسقا ورنالاسۋعا بولادى»،—دەپ تولىقتىردى ول.
ەسكە سالايىق، بۇعان دەيىن جۋرناليست ميحايل كوزاچكوۆ ۇلتتىق كينونى قولداۋ مەملەكەتتىك ورتالىعىنىڭ باس ەسەپشىسى 3 كۇن جۇمىس ىستەپ، جاڭا جىلعا وراي ەكى سىياقى، ياعني 875 000 تەڭگە العانىن جازعان ەدى.
